17/08/2026. Reprezentante ida husi Eskola nivel Bázika balu iha Dili, lamenta ho equipa teknika husi Ministériu kompetente balu, fahe foos ba eskola sira tanba maske foos ne’e ho marka WFP, hetan suporta ka marka ho Bandeira Japaun nian, maibé hafoin tein is fali hanesan los foos marka Tali Merah, ne’ebé fa’an iha Timor – Leste.
“Foos ne’ebé ami simu, depois kujumeiru sira tein, I’is hanesan loos foos ne’ebé MTCI fan ne’e, maske saku ne’e hakerek WFP. Ami tauk keta ema balu uza marka ida ne’e, depois ense fali foos produtu seluk nian depois dehan ida ne’e mai husi WFP,” informasaun ne’e, hato’o husi responsabel balu ba Media ne’e liuhusi deklarasaun badak iha loron Segunda(17/08).
Tuir nia deklasaun seluk katak, antes ne’e, eskola la halo pedidu ruma, ba parte kompetente sira, hodi simu fos maibe liuhusi osan merendar escolar mak eskola foin jere ka hola rasik foos.
“Derepente de’it foos ne’e mai ona. Antes ne’e, ami uza foos Folson ho folin 14 dollar, hodi tein ba estudante sira konsumu iha programa Merenda escolar ne’e. Maibé ohin kojuneiru balu mai hato’o keixa, foos ne’ebé ami tein, hanesan loos fos MTCI nian ho ‘is oin seluk”. Nia hato’o hodi hakotu.
Observasaun balu iha fatin tein haree katak, foos ne’e musan ki’ik, hanesan los produtu foos “Tali Merah” ne’ebé produs iha Pakistan hodi fan iha Merkadoria Timor – Leste nian.
Discussion about this post