13/09/2026. Estudu Siensia nian deskreve katak, Bainhira ema ruma konsumu ona Metavitamina ka Sabu – Sabu, la to’o oras hamosu reasaun ba direta iha kakutak[Ligasaun ho uat kakutak nian] ne’ebé Instaneamente ka lalais tebes, nune’e ema ne’ebé konsumu la sente kolen no isin sai forte ka fiar aan(la tauk ona mate), sente mós hanesan liurai bot tanba sente buat hotu mesak furak(Sabesona).
Maibe reasaun ida ne’e la kleur de’it lakon ona. Kuandu Konsumu Metavitamina lori impaktu ladi’ak – fatal ba ema nia saúde tantu feto ka mane tanba ne’e proivi tebes atu sabu – sabu serkula iha merkadoria iinternasional inklui mós iha Timor – Leste.
Sientista balu iha rai Eropa esplika dehan, bainhira ema ida iha idade Joven konsumu bebeik ona Metavitamina hanesan sabu sabu iha mos beneno balu perigozu, liga ba saude nian hamosu sitoma sira hanesan fuan fekit maka’as hipertesi, ikus mai kauza seluk hamosu tan moras rins(Gagal ginjal).
Tanba Sa Ema Kria Metavitamina(Sabu – sabu)
Nagai Nagayoshi iha tinan 1893
Ezentensia aimoruk ne’e, hahú deskrovre iha Japaun, husi sidadaun ida ho naran Nagai Nagayoshi iha tinan 1893, ikus mai dezenvolve kompleta husi Sientista ida ho nara Akira Ogata iha tinan 1919(Ema Japaun nian).
Objetivu kria aimoruk ne’e ba asuntu Saude – Siensia Ninian. Maibé Kuandu akontese ona funu Mundial daruak nian, Nasaun sira hanesan Alemaña, Japaun, Amerika, produs fali Narkotika ne’e (Metavitamina) ho kuantidade bot hodi fó ba Forsa Armada sira (iha parte Terestres, Aerea no Marina nian)halo sira bele fit, bainhira tu’un ba iha liña Frente, hodi hala’o Batalla ka asaltu malu ligasaun ho funu ne’ebe iha.
Maibé tanba de’it falla iha kontrola, aimoruk ne’e, ikus mai serkula mós to’o ba populasaun ki’ik sira nia let, hodi lori impaktu – ameasa direta ba vida humanidade nian iha aspeitu lubuk ida.
Oinsa ho Timor – Leste se mak Konsumu Metavitamina(sabu – sabu )
Iha Nasaun lubuk ida tanba kestaun saude, parte Saude nian uza Metavitamina tuir dalan legal ba moras eseptu balu ezemplu simples ba ema bokur demais(aimoruk ne’e halo nia la sente dukur halo nia ran serkula neneik), maibe tuir lei haruka, la’os nar – naran de’it hodi fan livre tuir gostu no hakarak liu -liu iha merkadoria livre.
OInsa Movimentu Metavitamina Sabu – sabu serkula tama mai TL
Iha fulan Setembru tinan 2026, parte Siguransa liuhusi servisu sekreta informasaun inian konsege kaptura sidadaun husi estranjeiru ida, ne’ebé fan Sabu – sabu(Metavitamina)iha Timor – Leste. Kapturasaun ne’e akontese via Terestres.
Ho situasaun ne’e, ema balu dehan atividade ne’e, kleur ona akontese no hala’o bebeik iha rai laran(Iha ona abut – rede ne’ebe metin ) tanba diskonfia eziste ona kliente permanente lubuk ida(Ema Estranjeiru – lokal).
“Ema lubuk ida konsumu bebeik, ne’ebé konsidera ona hola parte iha sira nia isin lolon, nu’udar nesesidade ida ne’ebé permanente – labele lakon tanba ne’e, ema seluk mos barani hodi fan ba kliente sira iha rai laran”
Oinsa ita hatene ema ida konsumu ona Metavitamina ka Sabu – sabu
Maneira hala’o teste saude ne’ebé adekuadu liuhusi amostra biológika
1. Teste ba urina ne’ebé jeralmente hala’o
2. Teste ran
3. Teste ba fuk lahan hodi hatene istoria uza sabu – sabu, Metavitamina. Karik nia konsumu ona liu semana ida, liuhusi fuk lahan maske konsimu ona durante loron 90, ikus mai bele detekta ho fasil tebes.
Discussion about this post