Dili, 07/08/2026. Arcebispo da Arquidiocese Metropolitana de Díli, Dom Virgílio do Carmo da Silva, SDB husu sarani sira iha parokia São Tiago Hera – Dili, nu’udar sarani primeiru tenki sai hanesan Profeta iha ida – idak nia moris, Sai mós hanesan Nai Lulik no Liurai.
Estatua São Tiago iha Resintu Parokia Hera, Diocese – Dili
“Sentidu Profeta mak nu’udar porta – voz, ko’alia kona – ba Maromak ne’ebé hanesan ita nia kriador. Sai nu’udar Nai Lulik, sentidu ba sarani sira atu banati-tuir Na’i Jesus Kristu nia moris, hanorin sira, hatudu hahalok haraik-an ninian, hatudu domin, laran-luak, hodi tulun malu iha moris lor-loron nian. Sai nu’udar Liurai buka ukun ita nia aan rasik hodi hakribi husi buat aat sira maske ita ema nu’udar ema sala nain. Liurai la’os atu ukun, maibé sai ezemplar ukun ita nia aan rasik tuir Maromak nia misteriu laran luak nian,” kestaun ne’e, hato’o husi Arcebispo da Arquidiocese Metropolitana de Díli, ba krismante sira(Joventude Feto – Mane) kuaze besik atus sia, ne’ebé iha Sesta Loraik(07/08), simu Sakramentu Krisma husi Arcebispo iha Parokia Hera.
Prezensa kmanek husi Arcebispo hamutuk ho Sarani Parokia São Tiago Hera, depois termina misa ba atividade Sakramentu Krisma, inagura mós Estatua São Tiago nu’udar mahein ba Parokia refere.
Foto sarani sira husi Parokia Sao Tiago Hera – Dili
Observensaun media ne’e nian iha Igreja Parokia São Tiago ligasaun ho atividade rua refere, partisipa direta husi Amu Parokia Hera, Pe. Urbanus Bunga Lolon, SVD, hamutuk ho inan – aman husi krismante sira nian, ne’ebé nakonu no naresin iha resintu Parokia, iha animasaun no han hamutuk ikus fahe malu.
Discussion about this post