Dili,11/08/2026. Instituto Superior Cristal – ISC liuhusi Prezidente Ezekutivu Fundasaun Cristal Prof. Dr. Agostinho dos Santos Gonçalves, no Magnifiku Reitor Instituto Superior Cristal, Prof. Dr. Sebastião Pereira, Akompaña husi Vise Reitor I ho Vise Reitora II no mos Dekanu Fakuldade Siensia Edukasaun hamutuk ho nia estrutura dada hikas estudante estajiariu Fakuldade Siensia Edukasaun hamutuk nain 289.
Foto Alang Estudante ISC ne’ebe ramata ona estajiu Pedagojia no servisu Sosial durante fulan tolu
Estudante estajiariu sira ne’e mai husi Departamentu Sanulu mak hanesan :
- Departamentu Informatika,
- Lingua Portuges,
- Lingua Ingles,
- Biologia,
- Ekonimoia Kontabilidade,
- Fizika,
- Matematika,
- Psikolojia,
- Kimika no
- Departamentu Sosiologia.
Estudante hirak nee hala’o ona estajiu Pedagojia no servisu Sosial durante fulan tolu iha eskola Ensinu Baziku 3º Siklu Cristal, Ensinu Sekundariu Geral Privadu Cristal, eskola Colegio Maria Regina Metinaro, Ensinu Sekundariu Geral 5 de Maio Becora, Ensinu Sekundariu Tekniku Vokasional Comercio Becora, ESTV Turismo e Hotelaria Becora, Ensinu Sekundariu Geral 4 de Setembro Balide no mos Ensinu Sekundariu Geral Finantil Comoro.
Objetivu husi estajiu pedagojia no servisu sosiál ida nee atu liga koñesimentu teóriku ne’ebé estudante sira aprende ona iha Instituto Superior Cristal no aplika prátika reál iha kampu servisu ka eskola neebe estudante sira halao estajiu oinsa atu prepara sira sai profasionál no responsavel bainhira remata sira nia estudu iha ISC.
Iha serimónia dada hikas estudante ne’e, partisipasaun másimu husi, S.E Prezidente Ezekutivu Fundasaun Cristal, Magnifiku Reitor Institutu Superior Cristal, Vise Reitor I Asuntu Akademiku no Estudantil, Vise Reitora II Asuntu Administrasaun No Finansas ISC Mestra, Dekanu Fakuldade Siensia Edukasaun, Diretores Eskola, Profesores Dosentes no mos estudante Estajiariu.
𝐌𝐞𝐝𝐢𝐚 𝐈𝐄𝐂-𝐅𝐂. Salaun Enkontru Cristal Balide – Dili.
Discussion about this post