Misa Aksaun Grasa Komemora Loron Padrueira Cristal

Segunda dadeer (24/05) semana ne’e, Instituisaun Edukativa Cristal, hamutuk ho amu kapelaun Cristal Manuel Pinto, SDB, tanba hetan autorizasaun husi amu Bispo Diocese Dili atúal, simbolikamente realiza misa aksaun grasas, hodi komemora Loron Maria Auxiliadora, ne’ebé hanesan protetor  ba Fundasaun Cristal.   

Iha  omilia santu, amu Manuel Pinto esplika, naran Maria Auxiliadora, atribui husi igreja, inklui mós Don Bosco, hanesan inan tulun na’in. Tanba ne’e, ba estudante Cristal nivel tomak, presiza nafatin iha devosaun, hala’o novena ba Maria Auxiliadora, nune’e, bele ultrapasa lalais tiha, problema ne’ebé Mundu tomak hasoru, espesialmente pandemia global Covid – 19.

“Reja nafatin orasaun ba Na’in Feto, tanba nia domin bot ba ita(sarani).  Ba  estudante Cristal nivel tomak, tau laran ba Nia ita bele haree milagre, ho esperansa, bele ultra pasa lalais pandemia global Covid – 19,” lian amu kapelaun ba representante dosente ISC, reitor ISC, no Presidente executive Fundasaun Cristal, iha salaun Micro teacing Cristal, segunda(24/05).

Fatin hanesan Presidente Ezekutivu Fundasaun Cristal, Agostinho dos Santos Gonçalves dehan, Inan Maria Auxiliadora alende hanesan sarani sira nia tulun, sai protetor importante ba Fundasaun Cristal, tanba ne’e, kada tinan, sempre iha misa aksaun grasas espesial, hodi agradese no rekoñese ba tulun no bensaun sira hotu, tanba ne’e mak, Instituisaun Edukativa eziste ona ba tinan 37.  

“Misa aksaun grasa ohin, hodi hato’o agradesimentu ba Inan Maria Auxiliadora. Maibé, ba tinan ida ne’e, tanba Covid – 19,   misa aksaun grasa simbolikamente selebra duni, hamutuk ho alunu sira liuhosi  de’it zone,” dehan Presidente ezekutivu ba Jornalista sira iha kampus Cristal – Balide,  segunda(24/05).

Antes hakotu Presidente ezekutivu husu ba estudante sira iha serka sanitaria no konfinamentu obrigatoriu presiza nafatin la’o tuir regra prevensaun Covid – 19, ne’ebé hato’o ona husi Organizasaun Mundial Saude, hanesan fase liman no sabaun bebeik, uza maskara inklui distansiamentu sosial.  

Observasaun Jornalista Time iha misa ne’e, dosente sira uza maskara, la tu’ur besik malu ka iha distansiamentu fisiku, no alunu sira akompaña husi de’it husi Zone. Balu akompaña misa iha uma, inklui mós estudante klase paralelu husi munisipiu sira. ****(Time)