Finalista ISC – FS Hala’o EstaJiu Komunitária iha Suku Marcarinhas

Instituto Superior Cristal(ISC), liuhosi dekanu Fakuldade Saúde(FC) Jacinto Oliveira Junior, dehan loron 30 fulan Setembru, to’o loron 16 fulan Outubru 2021, estudante finalista Fakuldade Síensia Saúde departamentu rua, Parteira ho Enfermagem sei hala’o  estajiu komunitaria iha suku Mascarinhas, postu Adminitrativu Vera – Cruz, Munisipíu Dili.

Nia relata, númeru  finalista  husi Departamentu Parteira,  kuaze atus ida ualu (108), no husi departamentu Emfermagem , hamutuk atus ida tolu –  nolu resin ida (131), sei tu’un direta ba suku, to’o mós ba aldeia neen, partense ba suku Mascarinhas.   

“Kuaze semana rua,  finalista sira  sei tu’un no hala’o  estajiu komunitaria iha suku Mascarinhas hodi to’o ba aldeia sira. Objetivu primeiru sei foti dadus hodi haree liuba  Saúde familia. Ida  seluk sei enkoraza mós, populasaun hotu iha aldeia neen, partese ba suku laran, atu hakbesik aan ba uma moras(Hopsital), tanba ho tempu pandemia ne’e, populasaun barak la hakbesik aan, ba  sentru Saúde no Klinika sira ne’ebé mak iha,” lian dekanu iha serimonia entrega Estajiariu sira ba autoridade  suku Marcarinhas liuhosi serinomia ofisial ne’ebé hala’o iha Salaun enkontru, Cristal Balide – Dili,  kuarta(29/09).

Entretantu atu garante atividade estajiu nian bele la’o di’ak no susesu, Instituto Superior Cristal alende konvida xefe suku Mascarinhas, Elidio de Araújo, no nia  xefe aldeia sira husi suku neen, konvida mós reprezentante diretor Saúde Vera – Cruz(Mateus Pinto), parte   Polisia nian mak Komandate Daniel Freitas, hamutuk mós ho administrador Vera – Cruz, Manuel Gusmão.

Enkuantu parte hotu ne’ebé prezente iha serimonia husik estajiariu sira ne’e, promete ona sei kolabora, konsulta no kontaktu malu liu -liu entre estudate finalista ho autoridade suku no aldeia, durante ba hala’o estajiu iha suku Mascarinhas no nia aldeia sira mak hanesan tuir mai ne’e :

1. Aldeia Manu Kokoroe
2. Aldeia 03
3. Aldeia 04
4. Baixo PM
5. Alto PM
6. Aldeia  05

Apoiu fasilidade kadeira ba Suku

Husi parte seluk Instituto Superior Cristal iha serimonia ikus, konsege entrega kadeira masa 50, ba xefe suku Mascarinhas, hodi apoiu servisu iha administrasaun suku nian, inklui apoiu kadeira 60 ba aldeia neen. Husi kadeira neen nulu ne’e, aldeia ida kadeira sanulu.

Ho apoiu ne’e, parte Crista dehan “Maske apoiu ne’e, simples maibe fó ho duni domin ba suku Maskarinhas.”****(TMM)