Espetativa ida husi parte akademika nian rekoñese katak, Krime organizadu no kontra bandu sira ne’ebé durante ne’e akontese iha rai laran abut metin ona, tanba autor prinsipal sira kontinua la’o livre, no lei ba sira la aplika ho loloos nune’e maske ohin bele kaer – identifika talves aban bele livre no kontinua hikas.
Akademista ne’e mós esplika, kontra bandu no hakat fronteira ho illegalmente mós bebeik ona akontese, nune’e, ema balu lakon vida hanesan kazu iha Suai(Feto ida mate tanba diskonfia ema mak oho iha mota Wetabak)
“Ita bele sobu rede sira ne’ebé hodi kaer funsionariu sira ne’e bele, liu -liu iha fatin Scam call center sira iha Dili no Munisipíu(Maioria ema Estranjeiru). Maibé tuir ami nia haree krime organizadu ne’e metin ona iha rai laran. Ami diskonfia ema balu mak suporta em kolaborasaun no oknum mafia sira ho garantia ruma,” kestaun ne’e hato’o ba media ne’e, bainhira husu nia opiniaun sobre Siguransa iha rai laran kontinua sobu ka identifika fatin call center sira kada loron.
Tuir nia esplikasaun ida katak, maske atividade hanesan Scam call Center hala’o iha rai laran, maibé tarjetu loloos ba Nasaun seluk.
“Grupu sira ne’e tarjetu mak iha Nasaun seluk partense ba Asean Ninian. Antes ne’e, atvidade Scam Call Center bot liu iha Kambodia. Tanba de’it siguransa sira duni no prende no kontinua buka tuir, atividade illegal ne’e mai eziste fali iha Timor- Leste hodi sai mos knuk. Imajina ema ida barak hanesan ne’e, siguransa sira kaer iha rai laran maibe kontinua lahotu de’it,” nia esplika.
Ho situasaun ne’e, akademista ne’e husu katak, parte hotu tenki koopera ba malu hodi minimiza tanba ida ne’e hatu’un naran di’ak Timor – Leste nian, sa tan País ne’e, foin sai membru Asean foun.
Ema balu kestiona katak, oinsa ema sira ne’e tama husi portaun Entrada nian sira siguransa no parte relevante labele identifika ema sira ne’e mai halo saida no objetivu saida
“Kestaun ba ita mak ne’e, ita sai ona membru ASEAN ikus mai atividade sira ne’e mosu talves hanoin balu husu benefisiu ida tama ASEAN mak saida. Krime sira sai buras tanba ne’e ita nia siguransa no parte relevante sira tenki kuidadu se la’e sai ameasa bot ba siguransa Nasional”. Hato’o hodi hakotu.
Fó hanoin fali katak, antes ne’e iha hanoin balu dehan ona katak, bainhira Timor – Leste sai ona membru ASEAN dezafiu oin – oin hahu mosu problema ida mak atividade illegal Scam Call Center ne’ebé maioria komete husi ema estranjeiru.
Enkuantu parte Ezekutivu balu dehan, atividade hotu iha rai laran sempre iha lisensa maibe iha entidade balu hasai lisensa ba area ida ikus mai hala’o fali atividade sira seluk ka kontra bandu sira iha rai laran fo prejuizu ba Estadu.
Discussion about this post