Refleta ba hahalok PAM lubuk ida nia iha rai laran(Aileu, Suai no Bobonaro no seluk tan), ne’ebé viral iha media social no Media Privadu -Estatal, sidadaun ida ho naran Joanico X. Babo (47), fo komentáriu balu dehan, Se mak atu ukun povu, nia tenki prepara mentalidade ne’ebé di’ak, moralmente no domin ba nia povu tanba nu’udar aman hodi ukun iha Munisípiu ida.
“Ita la’ós ona Provinsia ida husi Nasaun balu maibé nu’udar País independente iha ne’ebé povu nia sakrefisiu sira mak konsege liverta no restaura fali ukun aan ida ne’e. Tanba ne’e Se mak sai lider ba munisipiu hanesan Sai Prezidente Autoridade Munisípiu nian, nia(feto ka mane) tenki uza matenek – responsabilidade hodi hala’o knar. La,ós uza poder halo tuir hakarak, hodi hanehan povu no hasai liafuan sira ne’ebé la respeita ba ema nia dignidade,’’ hanoin husi Joanico.
Sidadaun ne’e dehan, Kredibilidade lideransa ida importante tebes liu -liu iha fatin públiku sira husi hahalok, liafuan no asaun di’ak sira ne’ebé sai ezemplar, la’os hatudu fali eskandulu ne’ebé homosu komentariu públiku nian ne’ebé la saudavel.
“Klaru katak, partidu ida ukun nia mak determina katak, ida ne’e mak ba kargu hanesan ne’e, maibé bainhira hetan fiar ba kargu ruma(PAM),uza didiak ita nia kompetensia tuir lei. Labele uza sala poder hodi kria hahalok ne’ebe la reprezenta ema barak nia interese”.
Fo hanoin fali katak, ho asaun husi autoridade PAM balu hodi uza atributu partidu nian hodi halo deklrasaun(ba asuntu privadu) ikus mai hetan Suspensaun ba nia kargu tanba ho alegasaun kontra rizimentu partidu nian no uza sala poder ba interese pesoal.
Discussion about this post