Estudante ISC   1127 Hala’o Serimónia “Capping  Day” Tinan Akademiku 2023  

Kinta(04/05), semana ne’e, Estudante Instituto Superior Cristal(ISC), husi fakuldade Siensia Saúde, departamentu rua, Parteira no  Emfermagen kuaze rihun ida – atus ida, rua nulu resin hitu(1127) hala’o serimónia juramentu/ “Capping Day”  ba tinan akademiku 2023, ne’ebe realiza iha Igreja Catedral, Vila – Verde, Dili.

Reitor ISC- Dr. Sebastião Pereira. MM

Ho Serimónia ne’e, Reitor Instituto Superior Cristal, Dr. Sebastião Pereira hato’o katak “Capping Day” nu’udar atividade serimónial ida ho sentidu katak, ba estudante  sira tenke hatais mutin(feto – mane),  nune’e hala’o kompremisiu(Juramentu) tuir matadalan Internasional(Florence Nihgtingale)ne’ebé ho aten brani(sem diskriminasaun) hodi hala’o atendimentu ba vitima/ema moras  bainhira akontese funu iha Krimea – Rusia altura ne’eba.

“Bainhira realiza ona Serimonia juramentu estudante sira iha area parteira no Enfermagen ba hala’o pratika hodi uza fasilidade Klinika no Hospital nian. Alen ne’e intensaun estudante sira bele tu’un direta ba  iha mundu Saúde nian  mesmu seidauk determina estudu, nu;udar mós aktu preparasaun ida ba futuru bele sai  parteira no emfermagem ne’ebé iha kualifikadu,” lian Reitor ISC, hato’o ba Jornalista sira liuhusi entrevista badak hafoin termina serimonia “Capping Day”.

Tan ne’e, hanesan Reitor husu ba estudante sira hotu(Feto – mane) hanesan futuru parteira no enfermeiru, tenke aproveita tempu bainhira tu’un hodi uza fasilidade Saúde nian(Pratika) importante mak tenke hatudu etika no respeita ba regulamentu no regra, hotu ne’ebé estabelese ona iha sentru Saúde, Klinika no Hospital referral sira iha Timor – Leste.

Fatin hanesan dekanu Fakuldade Siensia Saúde – ISC,  Faviola Francisca Martins Soares, hatete importante ba estudante sira maka durante hala’o pratika hodi  “kuida” ba pasiente ka ema moras iha Klinika, no Hospital referrais sira tenke ho domin, pasensia, hodi tuir prinsipiu husi Florence Nihgtingale bainhira servi’i ema moras.

Komentáriu husi Ana S. Santos Belo, nu’udar estudante ida husi Departamentu Enfermagem – ISC dehan katak, promesa ne’ebé nia halo liu husi seromonia “Capping Day” ezizi bainhira tu’un no  hala’o pratika atendimentu ba ema moras sira sei asegura segredu pasiente sira nian hodi labele fó sai ba ema seluk hanesan sinal etika atendimentu nian.

Estudante ISC – Entrevista ho media Nasional, 4/05.

“Promesa ne’e tenke kuidadu no atende ema moras ho di’ak, liu -liu asegura ema moras nia segredu sira ligasaun ho doensa ne’ebé pasiente ida – idak hasoru”. Esplika husi Ana hodi hakotu.  

Tuir informasaun Time Timor asesa estudante sira hotu, hafoin tuir tiha Serimonia “Capping Day” depois hala’o pratika kompetensia semana ida iha labotoriun, ikus mai bele ba hala’o pratika iha Hospital Referal Maubisse, Maliana, Baucau no Dili. *****(TTM)