Refleta ba Politika Nonu Governu nian liuhusi parte SECOMS, hodi fo Subvensaun Publika ba media privadu sira, nune’e iha loron 3 fulan Agostu ne’e, nain ba media privadu lubuk ida hala’o ona enkontru ho parte SECOMS.
Foto Tatoli, Sekretáriu Estadu Komunikasaun Sosiál (SECOMS), Expedito Loro Dias Ximenes
Intensaun sorumutu ne’e, ko’alia kona – ba subvensaun públika ne’e rasik ho nia kriteria sira. Tanba ne’e, iha idea balu husi fonte konfirmasaun ida iha Conselho Imprensa dehan, “Primeiru apresia ba Politika Governu nian ba asuntu Subvensaun Públika ne’e rasik maibé husu mos ba Parte relevante sira labele utiliza media hanesan fali Portavoz Governu, media sira tenki kritiku nafatin – Independente”.
“Media sira tenki hanoin katak, subvensaun ne’e buat ketak. Knar no funsaun media nian iha redasaun nian tenki independente. Labele hanesan durante ne’e akontese buat balu husu media sira tenki halo hanesan ne’e, ka hanesan ne’eba ou utiliza fali media hanesan fali portavoz Governu nian,” opiniaun ne’e, hato’o relasiona ho Politika Governu nian ba implemtasaun Subvensaun Públika ne’ebé tempu badak sei implementa.
Maske nune’e SECOMS rasik dehan, kriteria ba media privadu sira atu asesu ba Fundu Subvensaun Publika refere, primeiru media ne’e tenki ativu- rezistadu iha Conselho Imprensa, no kriteria ida ba media sira presiza manda Proposta ho objetivu fundu ne’e sei utiliza ba asuntu bele iha formasaun no seluk tan.
“Subvensaun ne’e, oinsa bele hakbi’it media nia atividade, la’os halo intervensaun ba iha Redasaun ka ho intensaun seluk. Maibé ami sei haree hamutuk ho Conselho imprensa hodi identifika uluk media hirak mak rejistadu ona. Media sira ne’e ativu ka la’e iha publikasaun sira, tuir ida – idak nia natureza,” hato’o husi Sekretáriu Estadu Komunikasaun Sosiál (SECOMS), Expedito Loro Dias Ximenes, liuhusi media nasional, inisiu fulan Agostu 2026.
Relasiona ho Politika ne’e, media nain balu husu ba Governu – SECOMS labele halo diskriminasaun ba media bot ka ki’ik iha rai laran. Entre Media sira mós labele halo diskriminasaun ba malu, ligasaun ho subvensaun sira husi Governu tanba antes ne’e, akontese ona media balu utiliza media seluk maibé hetan tia solusaun sira mak avansa rasik ba oin.
“Se bele subvensaun ne’e, ituan ka barak utiliza maneira di’ak hodi jere nune’e labele hamosu fali diskriminasaun. Atividade media sira nian durante ne’e, hala’o knar di’ak tebes maske media Privadu sira hasoru hela dezafiu oin – oin”
Media Nasional liuhusi Jornalista sira hala’o formasaun iha rai liur(China)
Fo hanoin fali katak, durante ne’e, media Estatal sira inklui Radio Komunidade(Racom)lubuk ida hetan finansia husi SECOMS, hodi reforsa sira nia atividade iha base hodi fahe informasaun ba komunidade iha area rurais no Nasaun laran no Internasional.
Parte importante ida SECOMS rasik mos husu katak, ba media Privadu sira tenki kapasita aan nafatin no utiliza didiak Subvensaun ne’e hodi hala’o formasaun ba asuntu investigativu nian hodi haree ba problema sosiais ne’ebe akontese tuir ida – idak nia natureza.
Discussion about this post