30/09/2026. Komisaun Funsaun Públiku iha inísiu tinan 2026, hato’o ona “Proposta Kareira Únika” ba Konselu Ministru, hodi hetan diskusaun iha Parlamentu Nasional hodi muda tiha sistema rezime Espesial no rezime Jeral ne’ebé, dadaun ne’e implementa iha TImor – Leste.
Fonte balu iha Funsaun públika hato’o katak, durante ne’e, implementasaun rezime espesial no Jeral parte ida la du’un motiva makina Estadu sira hodi hatudu desempeñu servisu iha setor públiku, nune’e impaktu ida servisu administrasaun públika nian seidauk la’o tuir nia tarjetu loloos ba atendimentu nian.
Maibé antes implementa Kareira Únika ne’e, tuir Funsaun Públiku nia lian dehan, sei hala’o mos sosializasaun ba Ministériu hotu antes aplika rezimi Kareira Únika.
“Rezime rua ne’e, espesial no jeral durante ne’e di’ak ona, maibé parte ida motiva de’it parte balu mak hatudu servisu di’ak tanba ne’e hodi reforma administrasaun públiku iha Timor – Leste, parte Funsaun Públika sei implementa fali Kareira únika hodi haree ba desempeñu nian nune’e ezizi parte hotu hatudu servisu di’ak no iha direitu hanesan, laiha mos diskriminasaun iha parte servisu públiku, refere liu ba direitu no dever”.
Tanba sa Funsaun Públika Hamosu Kareira únika iha Timor – Leste
Proposta kareira únika iha Administrasaun Públika, hodi troka tiha sistema tuan no prepara hela ba kestaun reforma administrasaun iha Timor – Leste hodi bele implementa iha tempu ne’ebé determinadu ona.
Politika Kareira únika ho orientasaun oinsa hasa’e koerensia administrativu, koordenasaun nivel desizaun nian no mobilidade entre Instituisaun Estadu nian sira iha Timor – Leste.
Discussion about this post