03/09/2026. Dom Virgílio Kardeal do Carmo da Silva, SDB, hato’o informasaun ida katak, misa ikus antes halot preladus nain hat iha Katedral Dili, sei realiza iha loron 10 fulan Setembru 2026, iha oras tuku lima loraik, otl.
Dom Alberto Ricardo da Silva (Bispu Timoroan primeiru ba Dili)
“Misa Solene boot ka misa ikus iha Praça Tasi-tolu, sei realiza iha loron 10 fulan Setembru 2026, nune’e husu ba sarani hotu, husi diocese tolu, bele partisipa. Depois de Misa: Hala’o kedas proseisaun no trasladasaun ba restus mortais na’in-haat ne’e, hodi lori ba halo’ot iha fatin deskansa ikus nian(sepultamentu) iha laran Katedrál Díli”. Informasaun ne’e, hato’o husi Dom Virgílio Kardeal do Carmo da Silva, depois finaliza misa loron dahuluk(01 de Setembru 2026), hamutuk ho sarani sira iha Tasi – tolu Dili, hafoin simu restus mortais bispu nain tolu nian, ne’ebe to’o iha Aeroportu Comoro – Dili, ho Aviaun Aero Dili, Segunda – loraik(01/09).
Maske nune’e, Amu Kardeal mós husu ba sarani sira durante loron sanulu nia laran(01 até 10 de Setembru de 2026), bele ba Tasi – tolu, hodi hala’o orasaun iha fatin preladu sira tau ba, antes to’o loron 10 fulan Setembru, nu’udar loron ikus, nune’e ba halot fali iha Katedral, Vila – Verde, Dili, nu’udar fatin ikus nian ba bispu nain hat.
Monsenhor Martinho da Costa Lopes (Administradór Apostóliku)
Maneira oinsa Hakoi Preladu sira
Preladus sira sei la hakoi iha rai kuak ida de’it. Preladus na’in hat ne’e sei hetan hakoi ka haloot iha sepultura ketak-ketak (urna separada) iha fatin onra nian ne’ebé prepara ona iha laran [Igreja Katedral Imaculada Conceição Dili.
Tuir tradisaun Kreda Katólika nian ba transladasaun no sepultura bispu sira-nian, Urna no rate ketak: Ida-idak sei iha ninia urna rasik no sei hatutuk ka tau iha ninia fatin (túmulo/gaveta funebré) ketak hodi hatudu respeitu ba kargu no memória istórika husi preladu ida-idak nian.
Estrutura Panteaun / Kripta: Iha Katedral Dili laran, prepara ona kofre ka rate mólio (gavetas funebré) iha didin-lolon ka iha rai-okos (kripta) hodi tula urna sira-ne’e. Fatin ne’e sei funsiona hanesan panteaun ki’ik ida ba Bispu sira.
Identifikasaun loloos: Rate ida-idak sei marka ho plaka marafat (mármore) ho naran, títulu, no data moris/mate nian, nune’e sarani sira bele mai vizita, hahi’i, no halo orasaun ba preladu ida-idak.
Sé de’it mak Bispu na’in hat ne’e?
1. Dom Jaime Garcia Goulart (Bispu primeiru Dili nian)
2. Foto Dom José Joaquim Ribeiro (Bispu segundu Dili nian)
3. Monsenhor Martinho da Costa Lopes (Administradór Apostóliku)
4. Dom Alberto Ricardo da Silva (Bispu Timoroan primeiru ba Dili), ne’ebé uluk hakoi iha Semitériu Maloa muda mós ninia restus mortais ba Katedral Dil
Discussion about this post