Regina F. S. Soares, dehan lamenta ho politika komite 12 Novembru nian ne’ebé, iha tinan 2018 hapara ona pensaun ba matebian “Domingos Soares de Oliveira”, nu’udar mós vitima ida husi Masakre 12 de Novembru 1991.
Tuir deklarasaun husi Matebian nia inan dehan, komite 12 hapara pensaun refere, bainhira nia Papa “Jacinto Oliveira” mate (derepente)iha ne’ebé. Altura ne’eba la fo surat ka deklarasaun ruma ba nia inan, hodi asesu fali ba pensaun nia oan nian.
“Altura ne’eba, Nia aman mak asesu ba pensaun ne’e. Maibe tanba mate derepente de’it, la fó kuasaun no surat surat ruma, nune’e komite mós kansela. Ba ha’u nu’udar inan sente triste tebtebess ba hahalok ne’e,” kestaun ne’e, hato’o husi Regina iha nia Rezidensia, Hudi – Laran, Dili, Domingu (11/11).
Maske nune’e, Familia matebian husi Domingos Soares de Oliveira, mós dehan La’ós ezizi ba Estadu maibé, Estadu mak valoriza sira hotu(Vitima masakre Santa Cruz)nune’e labele iha aktu diskriminativu ou tendensia sira seluk.
“Se valoriza ona, tenke igual. Ami nu’udar inan – alin, familia, husu ba Estadu tenke halo politika ida di’ak ba vitima hotu, inklui sira ne’ebé nu’udar vitima iha tragedia Santa Cruz – Dili. Kauza 12 de Novembru 1991, hanesan kauza importante ba prosesu autodeterminasaun Povu Maubere”. Deklarasaun husi familia Domingos Soares de Oliveira.
Enkuantu ligasaun ho problema sira hanesan pensaun no kestaun seluk kona – ba komite 12 nian servisu durante ne’e, Komite 12 rasik rasik esplika, problema barak sei iha maibé kontinua buka solusaun hodi resolve ida ba ida. “Estadu iha dever obrigasaun hodi haree ba preokupasaun sira ne’e”
Familia Matebian Kontinua Ezizi buka tuir restus Mortais
La sente 12 de Novembru tinan 2024, kompleta ona ba tinan tolu nulu resin tolu(33). Tanba ne’e, lia tatoli ida husi Regina Regina F. S. Soares, hanesan inan husi vitima – Lakon(Domingos Soares de Oliveira), husu ba Estadu RDTL , hodi buka tuir restus mortais sira hotu ne’ebé, lakon iha funu ida ne’e, espesialmente ba trajedia 12 de Novembru 1991, nune’e bele halot sira hotu ho dignu.
“Ita nia Estadu Loloos tenke haree ona ema sira ne’ebé mate iha funu ida ne’e ho seriu. Hanesan iha rai seluk, ida – idak tau iha nia fatin. Presiza halo momumentu ba sira ho dignu. Nu’udar inan to’o minute ida ne’e, ba ha’u nunka haluha nia lakon, to’o mate mak ha’u bele haluha nia total. Dala ruma tu’ur mesak tanis maibé tanba Timor – Leste, soe isin lemorai –ruin Naklekar tanba rai Doben” Esteitmentu Regina, hanesan lia ikus.***()
Discussion about this post