Segunda(29/3), mais ou menus tuku 08:30 otl, sidadaun no naran koñesidu Kay Rala Xanana Gusmão, kumpre no to’o iha edifisiu Ministériu Públiku, relasiona ho keixa ne’ebé hato’o husi Sekretariu Jeral Partidu Fretilin, Mari Alkatiri, iha tempu balu liuba.
Ho prezensa ne’e, alende hetan siguransa husi PNTL, iha mós sidadaun lubuk ida mai no uza kedas faru mutin, iha faru nia oin, sablon ho Kay Raxa Xanana nia foto.
Depois oras balu tama ba edifisiu laran Ministériu Públiku nian, hodi apresenta evidensia balu relasiona ho keixa refere, mais ou menus tuku 09:00, liu, Kay Rala Xanana Gusmão konsege fila – fali, hodi hala’o atividade seluk.
Observasaun media ne’e, antes lider rejistensia ne’e, sa’e kareta joven no sidadaun sira ne’ebé hamri’ik iha edifisiu nia oin hakilar “Viva Xanana”.
Lia fuan “Viva Xanana”, la’os de’it ohin mak ita rona, no Timoroan sira hakilar liu –liu joven rejistensia sira, maibé “Viva Xanana”, mosu ona iha tempu difisil nia laran hanesan demostrasaun 12 Novembru 1991, no seluk tan. ***(Time)
Discussion about this post