Kinta (9/4) semana ne’e, Governu liuhosi Konselu Ministru deside ona, sidadaun ne’ebé hakarak fila – fali ba Munisípiu iha ona autorizasaun, maibé tenke halo uluk teste. Bainhira identifika ema balu positivu Corona, parte Saúde sei kasela nia viajen/vizita ba Munisípiu, hodi labele espala Covid – 19, ba ema seluk.
Antes ne’e, equipa Covid – 19 mós, bainhira identifika sidadaun ne’ebé positivu Corona, liuhosi teste sira, urgente lori kedas ba kuarentena, hodi hala’o tratamentu kurativu sintomátiku.
Ligasaun ho evakuasaun ba Kuarentena, positivu balu rekupera lalais, balun kleur ituan, inklui ema balu tenke mate, tanba virus Corona iha nia isin, kahur ona ho moras komplikadu seluk, ne’ebé grave.
Refleta ba Númeru positivu husi loron ba loron aumenta, Sentru Gestaun Covid – 19, nivel Nasional kinta(9/4) semana ne’e relata katak, númeru positivu aumenta iha Munisípiu Baukau, viqueque, Manatuto no Suai, tanba ema ne’ebé positiviu Covid hela iha Dili mak lori virus ne’e ba sira, relasiona ho viajen sira husi Dili ba Munisípiu, iha semana ida ne’e.
Enkuantu maske Governu suspende temporariamente Serka Sanitaria no Konfinamentu Obrigáriu, posibilidade sei aumenta, maibé kontinúa bolu atensaun ba populasaun tomak katak, presiza mantein nafatin regra prevensaun Covid – 19, hanesan:
- Fase liman bebeik ho sabaun
- Uza Maskara
- Distansiamentu fiziku
- Labele halibur malu kuandu laiha asuntu importante.(TTM)
Discussion about this post