Labeh: “Loloos Xanana Labele Sai Arquido”

Diretór Lalenok Ba Ema Hotu(Labeh), Christopher R. Samsom dehan, loloos Kay Xanana Gusmão, labele husu sai fali arguido, tanba keiza ne’ebé Mari Alkatiri hato’o ba Ministéiru Públiku relasiona ho dun nia halo subornu, la’ós hasoru Presidente Partidu CNRT.

Proposta Kareira Únika Sei Motiva Funsionáriu Públiku Hatudu Desempeñu Excellente

Projetu Rekonstrusaun Maternidade iha Vila Antiga Baukau Sai Ezemplu ba Obra Seluk iha TL

Tuir nia esplikasaun katak, kazu ne’e hasoru CPN partidu CNRT no mós deputadu CNRT, iha Parlamentu Nasional, relasiona ho sira nia deklarasaun balu dehan, deskonfia Alkatiri simu subornu husi kompania ConoPhillips.

“Se mak hakarak Maun bot sai Arguido, ida ne’e difisil. Problema mak ne’e, keisa ne’e, bazeia ba deklarasaun husi membru parlamentu nian konaba simu sobornu husi ConoPhillips. Alkatiri hato’o keiza, la’ós hasoru maun bot Xanana. Xanana nia prezensa hanesan sasin, maske pesoalmente husu hodi sai fali arquido, ida ne’e hanesan deklarasaun,” dehan Christhoper ba Jornalista sira iha edifisíu Labeh,Comoro – Dili, tersa (30/3).

Lider Labeh ne’e hato’o tan, se Maun bot muda husi pozisaun testamuña ba arguido, ida ne’e, depende fali ba procurador sira nia dezisaun, bazeia ba evidensia ne’ebé mak iha. Se prokurador la muda nia labele sai aguido.

Antes termina Christopher halo konkluzasaun ida katak, bainhira kazu ne’e atu ba oin ou la’e, la’ós depende ba opiniaun públika sira, maibé ida ne’e kompetensia Justisa nian. Alende ne’e, sala ou la sala, só tribunal mak deside. La’os opiniaun publika mak julga” Nia hato’o hodi hakotu.

Xanana “Ha’u prontu tama kadeia”

Fo hanoin fali katak, depois Kay Raxana Xanana Gusmão to’o iha edifisu Procuradória Geral da Repúblika iha loron segunda (29/3), hodi husu ba Prokurador balu muda husi husi sasin ba fali aquido, liu tiha oras balu konsege realiza mós komunidu impresa ida iha – Dili, hodi deklara abertamente ba públiku katak, karik kazu ne’e ba tribunal nú fin la manan, prontu tama komarka.

“Uluk iha tinan 1974, tama komarka tanba defende bandeira Fretilin, durante loron 7. Iha tinan 1992 tama komarka tinan 7, defende bandeira RDTL. Karik agora mak lakon tan, ha’u prontu tama komarka, tanba la’ós sente buat foun ida mai haú.” Lian Kay Rala Xanana (29/3), hodi responde ba pergunta ida husi jornalista Timoroan nian konaba “karik prosesu ne’e, ba oin se ita bot lakon oinsa.” ***(Time)