Saida mak Aktu utiliza sala vistu turista iha Nasaun ida. Hahalok ne’e konsidera hanesan asaun illegal ida tanba tuir lei imigrasaun nian estabelese iha Nasaun ida, bainhira ema ida utiliza sala vistu maka bele hetan multa, detensaun – kastigu, ou deporta fali.
Vistu sira tuir nia klasifikasaun
Bainhira ema ida viola vistu, ida ne’e tama ona lista mean, nune’e autoridade Nasaun ida nian sei la autoriza tama ba Nasaun refere, tuir tempu ne’ebé determina ona, bazeia ba lei, hanesan Nasaun balu aplika lei ho nota, se mak utiliza sala vistu la autoriza ba nia vizita durante tinan 5.
Klasifikasaun vistu sira hanesan tuir mai :
- Vistu Turista nian
- Vistu Servisu /Trabalo
- Vistu Rizidensia – Hela no
- Vistu Estudu nian
Tanba ne’e, refleta ba aktu utiliza sala vistu sira iha Timor – Leste, hanesan ema estranjeiru tama mai ho vistu turista nian depois hala’o fali atividade trabalo iha rai laran, ne’e mosu fator ida menus kontrola husi autoridade kompetente sira, maske dala balu parte relevante sira konsege identifika iha fatin karaoke, fatin masajen no seluk tan hodi prosesa no deporta fila.
Fonte konfirmadu ida dehan, durante ne’e maun alin sira husi liur(ema estranjeiru feto – mane husi Nasionalidade oin – oin) tama mai teritoriu nasional uza vistu turista depois mós aproveita halo’o fali atividade trabalu nian ida ne’e la’os de’it menus kontrola talves ami diskonfia ema balu mak suporta hodi atinzi sira nia objetivu.
“Klaru ema estranjeiru barak mai rai laran kontribui tebes ba prosesu dezenvolvimentu nasional tanba uza vistu trabalo nian ida ne’e laiha problema. Maibé iha mos lubuk ida tama mai uza vistu sira la klaru, ezemplu vistu turista nian hodi hala’o fali atividade lukrativa iha bar, salon no fatin masagen sira iha Dili laran no Munisipíu balu,” rekoñese husi Antonio.
Nia Parte mos apresia no agradese ba autoridade kompetente tanba iha loron hirak ne’e, liuhusi operasaun konjunta, kosege identifika ona atividade ne’ebé illegal lubuk ida.
Nia sujere ba oin autoridade kompetente sira presiza hala’o knar ho di’ak liu tan (Vizilansia)presiza mós iha kolaborasaun ba malu, hodi prevene aktu illegal sira iha Timor – Leste.
“Nu’udar Nasaun ida iha nia regra rasik. Ita labele hatene kuandu la kontrola ho di’ak kona – ba atividade hotu iha rai laran sai mós ameasa ba Povu no Nasaun ida ne’e, ezemplu atividade ilegal kona – ba droga, ema seluk konsidera ona Timor – Leste sai ona fatin tranzitu nian. La’os ne’e de’it fase osan no atividade illegal sira seluk hanesan Scaminng Call Center nu’udar dezafiu foun ba Timor – Leste”. Hato’o hodi hakotu. *****
Discussion about this post