Mata Dalan Hodi Hadia Kualidade Fini iha Timor – Leste

Hodi prepara fini tuir estandar, no kualidade internasional, Asosiasaun Nasional Produtor Fini Komersial Timor – Leste (Anaprofiku – TL), servisu hamutuk voluntáriu ida husi America, liuhusi CRS, delega Georje prepara ona mata dalan próprio hodi haree ba estandarizasaun fini komersial sira iha Timor – Leste.

Ligasaun ho preparasaun mata dalan ne’e, dirijente Anaprofiku – TL, Ilidio M. Mauterça rekoñese, importante tebes Anaprofiku – TL, hamutuk ho asosiasaun sira presiza tebes mata dalan ida (Guide) ba hadia kulidade Fini nian, tanba sistema/mekanizmu balu ba preparasaun fini iha Timor – Leste, asosiasaun sira kontinua uza sistema tradisional(subsistensia).  

“Dadaun ne’e, voluntáriu ida husi America, liuhusi CRC, halo hela konsultasaun ho ami, hodi prepara mata dalan ba preparasaun no estadarizasaun fini komersial iha Timor – Leste, nune’e, asosiasaun sira sei uza mata dalan refere, hodi hadi’a produsaun fini sira, tuir ona estandar internasional no iha kualidade di’ak”, afirma husi Ilidio ba media ne’e, iha nia servisu fatin, Bebonuk – Faulara, tersa (17/01)

Dirijente ne’e rekoñese tan, durante elaborasaun no preparasaun ba mata dalan ne’ebé sei uza husi asosiasaun sira, voluntáriu husi America ne’e dehan, antes atu elabora mata dalan ida ho kualidadade hanesan fini, presizamente tenki iha uluk perkiza no konsultasaun adekuadu.

“Voluntáriu ne’e, sei rekolla no haree besik kondisaun ita nian, ami tu’un ona ba Liquisa(Fahilebo),no sei ba parte Leste(Lospapos), nune’e halo identifikasaun sira, sei sei hanesan rekomendasaun/mata dalan hodi bele  fini komersial sira ho kualidade, alende governu sosa, bele mós fa’an ona iha merkadu internasional, tuir estandar/padraun.” Ilidio hato’o hodi hakotu.

Antes ne’e, Anaprofiku hamutuk ho asosiasaun hamutuk 70 iha Timor – Leste, apoiu  ona politika fini nasional hodi produs  Batar(Noi Mutin, Nai no Sele) , Hare Nakroma, Fore – rai Utamua, fore Mungu(kiukai,lakateu, delta no merpati), Fore Keli, ai- farina(ai – uka 2 no 3), fehuk midar (hoho rai 1, 2 no 3), fore mutin no fore metan. Ikus mai Governu. Liuhusi MAP sosa, halo fali tenderizasaun ba kompania sira konkore, manan nune’e distribui ba grupu agrikultor, komunidade sira iha Timor – Leste, hodi kuda iha to’os no natar, hodi garante siguransa ai – han iha Timor – Leste.***(TTM)