Ajente Estadu Balu Tauk Lakohi Simu Vacina

Iha ajente Estadu ida ne’ebé lakohi temi sai nia identidade, hateten lakohi simu vacina AstraZeneca hodi kontra Covid – 19, tanba tauk ho vacina refere.

Nia esplikasaun ida dehan, se ema ne’ebé saudabel hanesan tensaun normal, ou laiha moras ruma, bele vacina, maibé se iha problema ka moras ne’ebé la identifikadu, parte saude mos, tenke konfirma lai, antes nia tuir vacina.

“Problema mak ne’e, ami la’ós lakohi simu Vacina, maibé tauk ituan tanba keta, iha moras komplikadu ruma iha isin laran, se vacina derepente de’it ida ne’e oinsa, bele iha efeitu ka la’e, tanba foin mak Vacina ne’e iha no foun ba ita,” hato’o husi fonte ne’ebé lakohi temi identidade bainhira hasoru malu Jornalista Time Timor iha Colmera – Dili, domingu (18/4).

Ligasaun ho kestaun ne’e, hanesan ita hotu hatene, iha semana ida ba kotuk, equipa ne’ebé hala’o vacina ba pesoal liña Frente sira iha CCD – Dili,  nia prosedura ida mak, antes realiza vacina, fase dahuluk  benefisiariu hotu , obrigadu tenke hala’o teste ba tensaun no haree kondisaun fizika, hafoin bele vacina.  

Efeitu ki’ik mosu depois vacina maibé lahalo Mate

Ligasaun ho politika Oitavu Governu, uza vacina astraZeneca hodi kontra Covid – 19, sidadaun balun ne’ebé simu ona vacina hato’o katak, sente efeitu ki’ik balu, hanesan dala ruma ulun moras, maibé la halo mal ba Saúde.

Alende ne’e, iha Midia nasional seidauk iha informasaun ruma mak dehan vacina AstraZeneca oho ona ema iha Timor, tanba ran nahisin hanesan antes ne’e, mosu hanoin balu iha Midia sosial dehan, ai – moruk AstraZeneca halo ran intupidu ka nahisin.

Esplikasaun ida husi Sidadaun Noel Araújo dehan katak, depois vacina liu oras balu sente isin manas, mas hafoin komsumu tiha parcetamol, kondisaun konsege rekupera.

Fó hanoin fali katak, Primeiru Ministru Taur Matak Ruak, rasik iha fulan hirak liu ba liuhosi mídia Nasional dehan, se hakarak Saúde di’ak, sidadaun sira tenke vacina, liu –liu iha tempu mundu tomak, hasoru hela Covid – 19.

Enkuantu Vacina AstraZeneca iha Eropa, Nasaun ida – rua, sira nia Governu rezeita hodi la uza Vacina ne’e, nune’e sira hato’o rekomendasaun ba Uniaun Europeia, hodi uza ai -moruk ho modelu seluk, tanba maske vacina ne’e, sidadaun balu simu ona, maibe parte saude sira, kuandu halo fali teste numeru positivu Covid la diminiu maibe kontinua aumenta.***(TTM)