Vice Reitor Instituto Superior Cristal(ISC) Jacinto Oliveita Junior, hateten segunda(27/09) ne’e, estudante finalista ISC kuazu 340, hamutuk ho dosente balu, tuir formasaun konaba metodologia peskiza liuhosi kursu Internasional Online course(IOC), fasilita husi Universitas Negeri Malang – Indonesia, tanba hala’o kooperasaun ho Intituto Superior Cristal, iha tinan balu liu ba.
Nia esplika tan kursu ne’e, hala’o durante fulan tolu, hahú fulan Setembru to’o fulan Dezembru 2021, hodi envolve estudante finalista inklui dosente metodogia peskiza nian, foka ba asuntu analiza dadus, Interpreta dadus sira, bazeia ba statisika, ikus mai bele foti konkluzasaun tuir peskiza kualitativa no kuantitativa, relasiona ho hakerek relatoriu sientifika no peskiza ninian, hodi finaliza kursu lisensiatura no mestradu.
“Kursu ne’e, hala’o fulan tolu, semana ida dala tolu. Tanba ne’e, estudante finalista husi Fakuldade Edukasaun no Siencia Saúde mak partisipa hamutuk ho dosente. Liuhosi MoU no MoA ne’ebé parte rua selebra, Uversitas Negeri Malang mak prepara materia sira.” Vice reitor hato’o ba Jornalista Time liuhosi entrevista, iha Cristal – Balide, Dili, segunda(27/09).
Tuir Observasaun husi Media ne’e, iha loron dahuluk taxa partisipasaun masima no partesipante sira hamutuk kedas ho profesor. Dr. I Nyoman S. Degeng. M. pd. Iha ne’ebé lori materia metodologia Statisctic Analysis In Education, introdus iha lian Inglesh ikus mai esplika ho lian Melayu ne’ebé hetan asistensia teknika husi dosente Cristal nian.***(Time)
Discussion about this post