Eis Presidente da Repúblika, José Ramos Horta, rekoñese katak, eskola online iha Timor, benefisia de’it estudante ne’ebé inan – aman iha rendimentu sufisiente, kompara ho estudante hirak ne’ebé inan – aman mukit, ka rendimentu minimu. Kestaun ne’e hato’o ba Midia nasional, iha loron 1 fulan Junu 2021, iha okaziaun selebrasun loron mundial labarik.
Ligasaun ho eskola online, Governu mós iha ona planu iha tempu badak, sei ajuda estudante nivel hotu, hodi bele garante di’ak liutan prosesu aprendizajen liuhosi eskola online refere.
Maske dezafiu Eskola – Universidade implementa eskola Online
Bele dehan, eskola públika no privada inklui instituisaun Ensinu Superior lubuk iha Dili, implementa ona eskola online dezde Estadu Emerjensia hahú, tutan fali mai Serka Sanitária no Konfinamentu obrigatóriu, eskola online husi loron ba loron hatudu progresu signikativu.
Maibé dezafiu eskola online iha Timor – Leste, problema sira ne’ebé estudante, edukador, dosente sira hasoru iha instituisaun ida – idak, mak problema rede Internet.
Parte seluk, dezafiu ba sira hotu, liu –liu iha Munisipíu tuir edukador sira, maioria laiha telemovel.
Dala wa’in mós estudate balu iha Telemovel, maibe osan sosa pulsa mak menus, hodi difikulta estudante sia tuir prosesu apredizajen online.
Opiniaun husi Dosente sira konaba eskola online
Komentariu ida husi Dosente UNDIL, liuhosi Abilio da Costa Ximenes, dehan eskola online la’o di’ak ona, maibé dala wa’in estudante sira, metade de’it mak partisipa.
Husi parte seluk, Reitor Instituto Superior Cristal, Sebastião Pereira, dehan eskola online iha Cristal, maske sei hasoru dezafiu, maibe 80% la;o. Tanba ne’e, durante serka sanitaria no konfinamentu obrigatóriu, estudante sira kontinua hala’o, prosesu aprendizajen tuir orario normal, maske hela de’it iha uma ***(Time)
Discussion about this post