Covid – 19 Varian Delta India, mosu iha Nasaun India hamate ema barak no halo Mundu hotu preokupa. Virus ne’e mós entre 50 to’o 60 %, lalais da’et ba ema bot, perigu liu fali ba idade labarik.
Sintoma husi Covid – 19 Varian Delta India mak hanesan mear maran, laran sa’e, ulun moras, tilun sai diuk tiha durante mear la para, manas iha kakorok talin laran, laiha vontade han, fani, ran nahisin, no isin malirin maka’as.
Tuir reportazen balu ne’ebé fo sai ona husi Midia Internasional, bainhira ema ida afeta ona moras Covid – 19 Delta India, kuandu halo tratamentu difisis ituan depende ba imunidade kada ema ida – idak.
Tanba ne’e, atu prevene aan husi kualker infeksaun Covid – 19, modelu saida de’it , ema hotu obrigadu tenke respeita ba regra prevensaun ninian.
Uza Maskara, Distansiamentu fizika, labele halibur malu iha fatin publiku bainhira asuntu ruma ne’ebé la importante.
Media ne’e, asesu informasaun balu husi parte Saúde Timor – Leste nian, iha loron tersa (23/06) relata katak, Covid – 19 Varian Delta – India, tama ona iha Nasaun viziñu Indonesia, nia paraderu to’o ona iha ilha Bali. Tanba ne’e, husu ba sidadaun hotu – hotu tenke vasina inklui respeita no halo tuir ba regra prevensaun Covid – 19 . ****(Time)
Discussion about this post