Sekretáriu Estadu Cooperativa, Elisario Fereira dehan, labele haree implementasaun Programa Sesta Básika, ne’ebé Governu agora implementa, hodi responde de’it ba situasaun Covid – 19. Politika ne’e, motiva Agrikultor/to’os nain hodi hasa’e produsaun agrikula.
Nia dehan kompania lubuk ida inklui grupu kooperativa tun direta ba iha base, hodi sosa batar, hare, fehuk ropa, modo – tahan no ai – han sira seluk, distribui ba populasaun Timor, liuhosi programa Sesta Básika ne’ebé Governu implementa kobre Munisípiu hotu, maske la’o seidauk di’ak.
“Labele hanoin katak, Implementasaun programa Sesta Básika ida agora ne’e, hodi responde de’it ba halerik komunidade nian iha tempu Covid – 19,” Lian Secoop iha programa grande entervista ne’ebé hala’o ho GMN iha loron 15 fulan Marsu 2021.
Secoop iha Esperansa, ba oin se karik laiha ona Surtu Covid – 19, presizamente grupu agrikultor sira, kontinua hasa’e produsaun agrikula iha teritóriu laran, hodi responde ba programa sira hanesan Merenda Eskolar, se barak liu bele, distribui ba Hospital no Komarka tanba fatin sira ne’e, presiza mós ai – han.
“Programa Merenda Escolar, presiza kuantidade ai –han barak, liu –liu produtu agrikula ne’ebé ho kuantidade barak maibé dala ruma menus, ida ne’e dazafia ita nia grupu agrikultor no kooperativa sira hodi hasa’e produsaun ai – han iha rai laran,” nia hato’o.
Tan ne’e nia husu ba nafatin ba grupu agrikultor inklui grupu kooperativa sira hotu, presiza servisu maka’as liutan hodi hasa’e produsaun ai – han, alende hasa’e nivel kuantidade no kualidade, orienta mós ba merkadu sira. ***(TTM)
Discussion about this post