Reniaun Asembleia Jeral CUOFCC- TL Tinan 2023

CUOFCC- TL hato’o Ksolok Natal 2023 no Tinan foun 2024, ba Orgaun Estadu Nivel Tomak  

Dili- 23/12/2023. Confederação Unidade das Organizações Frente Caixa Clandestina Em Timor – Leste(CUOFCC- TL),hala’o reniuan asembleia  Jeral ba tinan 2023, hodi ko’alia kona- ba dezafiu, obstaklu no fóka mós  ba planu prioridade sira ne’ebé mak sei hala’o iha tinan 2024, tuir misaun no vizaun husi CUOFCC- TL nian.

Prezidente Tadeu S. Sarmento(Deus), hateten Konfederasaun realiza enkontru asembleia ne’e, ho objetivu rua, primeiru halo evaluasaun ba atividade ligasaun ho ezekusaun osamentu nian, inklui tomada pose ba estrutura foun. Alende ne’e ativa fali organizasaun refere ho rutina, nune’e ba tinan 2024, bele ezekuta servisu sai di’ak liutan.

Prezidente CUOFCC- TL, Tadeu S. Sarmento(Deus)

“Ohin ita konsege realiza asembleia jeral ne’e, envolve direta husi responsabel kaixa klandestina nian iha CUOFCC- TL, hamutuk no membru, ne’ebé  mai husi Munisipíu neen. CUOFCC- TL,  hanesan organizasaun sumbriña ida ba organizasaun kaixa klandestina nian iha TL”  hato’o husi Deus ba Media ne’e, liuhusi entrevista badak ne’ebé hala’o iha Vila- Verde, Dili, sábadu(23/12).

Deus klarifika tan katak, membru CUOFCC- TL iha ona postu 29, tanba eziste ona iha munisipíu neen mak hanesan :

1. Baukau
2. Ermera
3. Manufahi
4. Aileu
5. Oecusse
6. Vigueque

Nia temi CUOFCC- TL akumula ona membru kaixa Klandestina – Rezistensia nune’e fó preoridade maka’as ba asuntu hat mak hanesan Agrikultura, Saúde, Edukasaun, Lei(advokasia), hodi akumula grupu kaixa rezistensia nian hanesan  tuir mai :

1. ORSF
2. Santo Antonio,
3. Fitun 02 Viqueque,
4.  Kaixa Ailalek,
5. HOAK,
6.  SAFARI,
7. Orjumatil,
8. Central Haburas,
9. 01, 001- Komateu
10. Dentry – JHS
11. Un
12. Orgão 8
13. Novi – novi(9-9)

Iha fatin hanesan Prezidente Organizasaun Rezistensia Juventude Maubere Timor-Leste (ORJUMATIL), Celestino – Kalohan, hateten atividade asembleia jeral ne’e, akumula ideas, kritikas, sujestaun, rona preokupasaun sira ne’ebé mak hato’o husi responsável kaixa inklui membru ativu sira, sai hanesan referensia, pareser, nune’e bele hadia di’ak liutan organizasaun Iha tempu tuir mai.

“Kritika, sujestaun, nu’udar referensia hodi hadi’a nune’e ba oin, liu- liu tinan 2024, hahú husi estrutura nasional hamutuk ho responsável Munisipíu nian bele tau matan di’ak liutan ba prioridade konfederasaun nian hodi haree ba preokupasaun Sira ne’ebé membru kaixa rejistensia sira hasoru hanesan Oinsa ema Rezistensia nia oan sira asesu ba edukasaun ho dignu, hetan assistência saúde husi Estadu, no iha parte lei nian halo advokasia ligasaun ho validasaun vefikasaun ne’ebé Estadu halo hodi rekonese no valoriza sidadaun sira ne’ebé didika Aan iha prosesu luta ba livertasaun Nasional”. Lian intervensaun husi Celestino- Kalohan.

Votus Natal – Tinan foun ba orgaun Estadu

Depois CUOFCC- TL, termina sesaun diskusaun ninian, Prezidente Tadeu S. Sarmento(Deus) hamutuk ho responsabel kaixa sira, liuhusi komunikadu imprensa hato’o mós Boas festas do Santo Natal 2023 no prosperu tinan foun 2024, ba Orgaun Estadu Nivel tomak mak  hanesan:

1.  Prezidente RDTL, José Ramos Horta
2. Primeiru Ministru RDTL, Kay Rala Xanana Gusmão no membru Governu tomak
3.  F-FDTL, PNTL
4. Kombatente  Livertasaun Nasional
5. Padres – Madres, Sociedade Civil, sarani no povu doben Timor – Leste

 Iha fase ikus liu antes fahe malu dirijente no fundador konfederasaun nian hamutuk ho membru sira selebra natal hamutuk hodi simu Nai Jesus, hanesan Maksoin mundu nian.

Alende ne’e, iha esperansa bot bainhira selebra tiha tinan foun 2024, dirigente kaixa hamutuk ho membru sira ida – idak sei hala’o knar ho di’ak liutan, liu- liu- halo advokasia ba asuntu verifikasaun dadus ba Timoroa sira ne’ebé didika sira aan iha luta ba livertasaun nasional espesialmente membru ne’ebé konsideradu tama lista pendente ou kanseladu..***(TTM)