Relasiona ho karta husi Diocese Baukau, ne’ebé fó sai iha loron 30 fulan Agostu 2021, konaba suspensaun knar Na’I Lulik Martinho G. da Silva Gusmão, hapara atividade Sakramentu Ordem iha Kreda, asuntu ne’e lori deskontente ba sarani lubuk ida.
Tuir sira nia haree, la’ós refere ba asuntu politika, nune’e dehan, Nai lulik ne’ebé ativu, bainhira diocese ida, liuhosi amu bispu, foti suspensaun bazeia ba nia konsensia limpu no serena, ne’e normal, mas parte ida, fila kotuk husi Igreja.
“Ami respeita ba dezisaun ne’ebé iha. Maibé problema nu’udar saseluk Kristu nian, ida ne’e ami haree loloos ne’e labele, tanba hanesan bibi atan,” hato’o husi sidadaun balu ba Jornalista Time Timor iha tasi – tolu – Dili, kinta (2/9).
Enkuantu, hanesan sidadaun Martinho G. da Silva Gusmão, liuhosi husi nia karta ida, diriji ba nia Diocese, iha loron 25 fulan Janeiru tinan 2020, katak, husu autorizasaun hapara nia kna’ar nu’udar Nai Lulik.
Ho ida ne’e, diocese Baucau, Camara Eclesiástika iha loron 30 fulan Agostu 2021, konsege responde duni karta ne’ebé hato’o, husi Martinho G. da Silva Gusmão, ba Diocese Baucau iha loron 25 fulan Janeiru 2020.
Konteúdu husi karta ne’ebé fó sai ba públiku husi Diocese Baucau, iha alinea ikus dehan, konaba Demissão do Estado Clerical, katak Rev. P. Martinho G. da Silva Gusmão, la moris ona nu’udar Na’I Lulik ne’ebé simu Sakramentu Ordem, Se apostolika Amo Papa mak sei dimite P. Martinho G. da Silva Gusmão, husi nia Estado Clerical. ***(Time)
Discussion about this post