Tribunal Rekursu Timor nian, simu ona dokumentu husi kandidatu 17(Timoroan), ne’ebé prontu ona, hodi avansa ba kompete iha eleisaun Presidensial, bazeia ba kalendáriu sei monu iha loron 19 fulan Marsu tinan 2022.
Husi kandidatu sira ne’e, iha sesta(04/02)semana kotuk, Tribunal Rekursu rasik deklara ba públiku, liuhosi Media katak, kandidatu balu nia dokumentu verikafika ona, no balun seidauk termina, tanba ne’e, sei kontinua iha prosesu verifikasaun nia laran.
Maske nune’e, situasaun real ne’ebé iha, kada kandidatu ida, balu iha movimentu oin – oin mak apoiu, balu seluk apoiante sira maneira apoiu nian, liuhosi realizasaun komunikadu imprensa.
Predikasaun públiku nian dehan, maske kandidatu barak kuaze 17, maibé hakarak ou la’e, só ida de’it mak sei manan , iha eleisaun Presidensial ne’e rasik.
“Kandidatu bele barak, agora atu bele determina A, B ou C, eleitor sira mak deside iha eleisaun mai,” públiku nia hanoin.
Maske nune’e, Timoroan balu lakonkorada katak, durante ne’e, iha Media social mosu espresaun sira ne’ebé, la edukativa, hodi ko’alia ho espresa ideia hatu’un no hasa’e malu, maibé loloos ne’e, ba interese nasional, ko’alia mak asuntu pozitivu, tuir regra no etika.
“Atu muda situasaun ka restaura fali situasaun politika rai laran, di’ak liu Timoroan sira hotu, tenke mai ho hanoin positivu. Dame, paz no respeita malu, tenke sai preoridade tanba Presidente ida ne’ebé, sei mai, nia ba Timoroan oan hotu”. Lian husi parte Dekanu Fakuldade Siencia Sosiais Komunikasaun Sosial(UNTL)
Horta Promete Sei Sai Presidente ba povu Tomak
Antes ne’e, kandidatu José M. Ramos Horta, ligasaun ho nia kandidatura ba eleisaun Presidensial 2022 – 20217 dehan, sei sai Presidente ida ba Timoroan hotu, liu –liu ba ema ne’ebé susar no ki’ak.
“Ha’u nia kandidatura, la’os de’it partidu ida mak apoiu, iha mós partidu sira seluk, inklui entidade ki’ik sira, organizasaun mai husi fiar oin –oin. Tanba ne’e, karik manan, ha’u sei sai Presidente ida ba povu no Nasaun Timor – Leste tomak”. Lian Ramos Horta iha debate ida ho media Nasional fulan Janeiru 2022.
Virgilio Guterres, “Ita tenke muda modelu kampaña sai asuntu edukativu”
Virgilio Guterres, hanesan mós, kandidatu independente ida, husi kandidatu sira seluk, ba kompete iha eleisaun agoran hasai esteitmentu ida dehan, kandidatu sira tenke muda modelu kampaña nian, husi lia fuan sira trata malu, hatu’un, hasa’e malu, buka ko’alia aat, maibé uza oportunidade kampaña ne’e, hodi hato’o asuntu ne’ebé ligasaun ho knar hanesan Presidente, no buka mós promove dame, paz hodi kontribui ba fraternidade nasional.
Nia dehan durante tinan 20, tuir observasaun ne’ebé nia iha, Timoroan sira iha liverdade ba espresaun, iha ona igualidade entre feto mane, maibé problema bot ida mak laiha fraternidade entre Timorooan sira.
“Tempu to’o ona, bainhira iha periodu kampaña mai, lider sra uza oportunidade ne’e, la’os ba hodi ko’alia asuntu ne’ebé negativu, maibé tenke kontruktivu no ideia edukativa hodi bele hametin fraternidade entre Timoroan sira”. Hato’o husi Virgilio Guterres, iha debate ida ho GMN – TV, liuhosi programa “Grande Entrevista” iha fulan ikus Janeiru 2022 *****(Time/H)
Discussion about this post