Ministériu Administrasaun Estatal, liuhusi Ministru Tomás do Rogario Cabral, hateten lei ba eleisaun suku laiha alterasaun, nune’e, lideransa komunitaria sira kontinua hetan subsidiu husi Governu, la’ós salariu mensal hanesan durante ne’e ema balu espala iha Media social.
Ministru hato’o prespektiva ida dehan se kuandu hetan salariu signifika tenke servisu oras ualu kada loron no iha lista prezensa maibé politika Governu sei la aplika salariu ba lideransa komunitaria sira.
Tuir Ministru nia esteitmentu katak, iha loron 28 fulan Outubru tinan ne’e, sei hala’o eleisaun suku, hodi hili lideransa suku – xefe aldeia foun, hodi troka lideransa tuan hirak ne’ebé povu hili ona iha tempu sestu Governu liuba.
“Ita sei la fó salariu ba xefe suku sira hanesan informasaun ne’ebé espala iha públiku nia let. Maibe iha de’it subsidiu ba xefe suku sira. Ba sira ne’ebe hakarak rekandidata aan fali laiha problema” Ministru hato’o asuntu ne’e ba Jornalista sira okaziaun Meet the Press, hamutuk ho Secoms iha Palacio Governu Dili, hodi ko’alia kona- ba asuntu “Eleisaun Suku” ne’ebe realiza iha loron, sesta(06/10).
Tuir informasaun ne’ebé Estatal fo sai ona dehan hahú loron 9 to’o loron 13 Fulan Outubru, lista kandidatu sira hotu tenke aprezenta ona iha ida – idak nia suku Liu konselu mesa hodi hetan aprovasaun final. .
“Kada kadidatu ida tenke iha apoiante um porsentu husi populasaun ne’ebé hela iha suku laran no lista tenke aprezenta ona. Bele kandidatu oin – oin, la priense kreteria tuir lei nia sei la avansa”. Ministru hato’o hodi hakotu.***(TTM)
Discussion about this post