Iha loron 5 fulan Abril 2025, sarani Bebonuk, aldeia Metin I, simu vizita illas Nossa Senhora do Rosario de Fatima no illas Virgem Maria Fatu – besi, illas Kristu Nai Liurai depois vizita iha suku Fatuhada – Dili.
Sarani sira iha aldeia Metin I, simu ho ksolok, tanba akompana husi grupu orasaun Arautos Evajeilho Timor-Leste, lideradu husi Tome de Deus, nune’e durante vizita iha uma kain familia balu nian, hala’o orasaun hamutuk hodi hato’o intensaun sira ba Maromak, husu Dame, Domin, paz, Justisa, no kura moras liuhusi illas Nain feto do Rosario Fatima, Cristo Nai liurai no Inan Virgem Maria Fatu – besi.
Observasaun media ne’e nian, durante hala’o vizita iha Suku Bebonuk, aldeia Metin I, durante kalan – kalan, bainhira hala’o benerasaun no Reza hamutuk ne’e, partisipa mos husi sarani balun ne’ebe rutina tebes mai husi suku seluk iha Dili laran, sarani Sira ne’e nu’udar membru husi Grupu orasaun Arautos Evajeilho Timor-Leste.
Tanba ne’e, kordenador Arautos Evajeilho Timor-Leste, Tome de Deus, liuhusi Media ne’e dehan, vizita illas Sira ne’e, ba iha sarani Sira Nia Uma(nebe disponivel)desde iha loron 5 fulan Janeiru 2024 to’o ohin loron, kuaze tinan Ida ona.
“Fofoun illas Peregrinasaun Sira, vizita uluk funsionariu ne’ebe Servisu iha Instituisaun Educativa Cristal. Nune’e, hetan aseitasaun husi Diocese tolu iha Timor-Leste, vizita mos sarani vulnerabel Sira, vizita tan lideransa balu nia Uma inklui eskola ne’ebe nu’udar Fatin edukativa ninian.” Hato’o husi Koordenador Tome, iha aldeia Metin I, Bebonuk Domingu – kalan(06/04).
Enkuantu depois husik hela suku Bebonuk, tuir planu sei vizita mos ba suku seluk iha Dili, tuir Orariu ne’ebe Mak iha.
Discussion about this post