Díli, 25/11. Pe. George Thadatil, SDB nu’udar Koordenador Universidade Salesiano Mundial, akompana husi Amu Kapelaun Cristal Pé. Manuel Pinto, SDB, vizita Instituto Superior Cristal no Fundasaun Cristal ho objetivu sei estabelese servisu hamutuk ho kampus Cristal tanba Instituisaun Educativa Cristal funda husi Antigus Alunos Salesiano Don Bosco kompostu husi ema nain sanulu.
Iha Visita ne’e, koordenador Universidade Salesiano Mundial Pé. George, apresia ho didikasaun Antigus alunos salesiano nian tanba forma ona Timoroan lubuk ida iha área edukasaun tuir sistema preventivo Don Bosco.
Iha vizita ne’e parte rua, troka hanoin fahe mós esperensia ba malu no konkorda ona i possibilidade bot sei Servisu hamutuk espesialmente liga ba asuntu edukasaun nivel ensinu Superior nian hodi foka ba área prioridade lubuk Ida.
Haree ba vizita importante ne’e, Presidente Ezekutivu Fundasaun Cristal Prof. Dr. Agostinho dos Santos Gonçalves, rekonese Instituto Superior Cristal no Fundasaun Cristal, sempre prontu hodi estabelese kooperasaun ho Universidade Salesiano Mundial nian ne’ebé oras ne’e, ho membru efetivu kuaze atus ida tolu – 103.
“Ami nu’udar Antigos Alunus Salesiano Dom Bosco ne’ebé hari’i eskola ne’e, sente kontente tebes ho vizita husi ita Nia koordenador Universidade Salesiano Mundial mai iha ne’e, nune’e hamutuk hodi luta ba área edukasaun hodi eduka foin sae sira, tuir sistema preventivo Don Bosco(Razaun, Relizaun no Domin)”. Diskursu husi Prezidente Ezekutivu FC.
Intervensaun husi Reitor Instituto Superior Cristal Prof.Dr. Sebastião Pereira, hato’o katak, Instituto Superior Cristal sempre prontu estabelese kooperasaun ho parte hotu, hodi haree ba Mundu Edukasaun nivel Ensinu Superior nian iha kualker área.
Discussion about this post