Asosiasaun Loesaid nu’udar grupu agrikultores ne’ebé halo produsaun fini, parte haree no produtu sira seluk, nune’e Governu sosa, hodi distribui fali ba grupu agrikultores ne’ebé presiza fini.
Tanba ne’e, Asosiasaun Loesaid, iha loron 30 fulan Setembru koleta tan haree hamutuk hectares atus rua hitu nulu resin lima(275), iha aldeia Tasemea, suku Aidabalete, postu administrativu Balibo, Munisipíu Bobonaro.
Ligasaun ho atvidade koleta ne’e, Ministériu Agrikultura no Peskas, promete ona katak, ba oin atu garante no hasa’e di’ak liu tan grupu agrikultores sira nia produsaun iha haree no produtu sira seluk, Governu hamutuk ho parseiru sira, sei foka maka’as ba asuntu irigasaun. .
Enkuantu iha serimonia koleta haree iha aldeia Tasemea, grupu asosiasaun sira halo ona aprosimasaun ho parte Governu(MAP), hodi ko’alia konaba politika Governu nian konaba sosa fini husi grupu asosiasaun sira, ligasaun ho fini.
Entretantu parte importante ida, hodi apoiu di’ak liu tan atividade Grupu agrikultor nian, inklui grupu asosiasaun ba produsaun Fini iha base, embaixada Brasil iha Dili, liuhusi programa espesifiku fasilita mós fundu ba grupu agrikultor sira, hodi hasa’e produsaun iha rai laran.*** (TTM)
Discussion about this post