Relasiona ho desizaun Governu nian ne’ebé iha fulan Jullu 2021, hodi reativa prosesu aprendizajen iha Dili no Munisipíu Baukau, tuir observasaun Jornalista Time, iha terenu situasaun hatudu, eskola barak seidauk kria kondisaun ijiene hodi prevene estudante sira, do’ok husi Corona ka virus Delta, ne’ebé daudaun ne’e, afeta ba Nasaun hotu.
Kondisaun seluk tan hatudu katak, eskola balu laiha be’e mos iha resintu eskola nian, maibe komesa daudaun ona hahú atividade ensinu nian. Maske nune’e, haree husi nivel partisipasaun estudante no profesor iha sala laran, seidauk masima.
Problema seluk ne’ebe iha, estudante barak mós, kontinúa hela iha Munisípiu sira, no seidauk disponivel fila mai Dili, nune’e, hodi hala’o sira nia estudu iha eskola, nivel sira hotu.
Husi parte seluk eskola ne’ebé partense ba Igreja katólika, maioria konsege kria kondisaun Ijiene ba Estudante sira, hodi prevene virus Corona tipu saida de’it, durante hala’o prosesu aprendizajen normal.
Iha tersa (20/07) semana ne’e, eskola nivel ensinu básiku to’o ensinu sekundáriu sira iha Dili, hahú hala’o hikas atividade ensinu, hodi hein avaliasaun hosi parte edukasaun, ikus mai bele bele foti desizaun ruma preinxe rekezitu bele reativa ou la’e.
Entretantu ligadu ho prosesu aprendizajen iha Dili, eskola balu hasai ona regulamentu balu katak, edukador sira hotu, tenke obrigadu tuir vasina. Alende ne’e, ba estudante universitáriu sira mós, tenke vasina, hodi nune’e, bele kria kondisaun saudabel iha kampus, hodi garante prosesu ensinu ne’ebé mak la’o tuir regra Saúde nian tuir rekomendasaun Organizasaun Mundial Saúde(OMS). ****(Time)
Discussion about this post