Hafoin loron tolu (23-25/10), Mahein eskola Cristal nian, ilhas Maria Auxiliadora, ilhas Kristu Na’I Liurai, Ilhas Don Bosco, no Ilhas João Paulo Segundu, hala’o vizita ba eskola Cristal – Same, iha loron 26 fulan Outubru 2021, estudante, no profesor sira, lori hikas Mahein sira ne’e, fila mai Dili ho kondisaun di’ak.
Estudante mane ida nivel sekundario husi Eskola Cristal – Same, ho naran kompletu Julizho T. S. Nana, dehan komitiva ne’ebé akompana ilhas sira ne’e, sai husi Same vila, tuku hitu dadeer, to’o iha Dili, tuku rua liu minutu hat nulu. Maibé tanba engarafamentu ituan, tama ba iha kompleksu Cristal ninian, tuku tolu, liu minitu lima.
“Komitiva, ohin dadeer sai husi ne’eba, tuku hitu dadeer. Maske dalan do’ok, ami akompana ilhas sira ne’e, laiha problema ruma mak akontese”, informasaun ne’e, relata husi Julizho ba Time Timor, liuhosi entrevista badak, hafoin komitiva Cristal – Same, entrega hikas ilhas sira ne’e, ba eskola Cristal Dili, segunda (26/10).
Observasaun media ne’e nian, antes komitiva husi Cristak – Same, entrega ilhas sira ne’e, ba eskola Cristal – Dili, akompana ho tebe, no kompletu mós ho hatais tais husi Munisipíu Manufahi ninian, hatudu sinal domin, no hato’o agradesimentu, durante vizita Mahein sira nian iha eskola Cristal – Same, Manufahi.
Enkuantu iha serimonia ikus hodi entrega ilhas sira ne’e, estudante Cristal – Dili, hahú kedas kanta, komesa iha dalan bot – Balide, depois tara tais ba ilhas sira ne’e, husi dirijente Cristal nian, hodi la’o to’o iha portaun bot eskola nian, estudante nivel sekundario Cristal, simu ho Drum Band, hodi lori ilhas sira ne’e, ba iha fatin ne’ebé prepara ona, husi Eskola.****(TTM)
Discussion about this post