Iha loron tersa(26/10), estudante Instituto Superior Cristal(ISC), Fakuldade Siencia Saúde tinan akademiku 2020, hala’o pratika iha kampus – Cristal, Balide – Dili, antes ba uza fasilidade Saúde ne’ebé iha Klinika sira.
Relasiona ho atividade ne’e, vice dekanu Fakuldade Saúde – ISC, Aureo Freitas hatete, estudante ne’ebé hala’o pratika ne’e, mai husi departamentu rua, Enfermagem iha estudante atus rua tolu – nulu resin ida(231), no depertamentu Parteira iha estudante kuaze lima nolu resin – sia(59), tanba ne’e, hamutuk atus rua sia – nolu (290).
“Pratika ne’e, hanesan preparasaun ida, antes ba hala’o pratika. Maibé kuandu ba pratika iha Hospital Nasional ka klinika sira, sei hala’o tan fali teste iha ne’eba, liu mak bele uza fasilidade saúde nian. Karik laliu mak estudante sira ne’e, sei hala’o hikas aula rekuperasaun, hodi hein oportunidade seluk”, hatete Aureo ba Time Timor liuhosi entrevista iha Kampus Crista – Balide, tersa (26/10).
Nia dehan tan pratika hanesan dalan ne’ebé bele hasa’e di’ak liu tan kapasidade, konesimentu estudante sira nian, em relasaun ho kursu ne’ebé mak iha, nune’e iha futuru, bele sai rekursu ne’ebé prontu hodi servi’i iha area saúde nian.
Fatin hanesan Dominica Maia Amaral, husi departamentu Enfermagem esplika katak, teste ne’e, liuhosi fase rua, ezame eskrita no teste pra Klinika.
“Pratika ne’ebé ami hala’o liuhosi fase rua, iha tempu dadeer eskrita no loraik nian hala’o fali pratika pra klinika, ne’ebé akompaña direta husi dosente sira, em relasaun ho ida – idak nia kursu. Partera nian ketak, no enfermagem nian ketak. Se mak laliu labele tu’un ba uza fasilidade saúde iha klinik ho Ospital sira”, hato’o husi Dominica.
Entretantu bazeia valor ne’ebé liu ou la’e, tuir lista ne’ebé Time asesu hanesan tuir mai ho nia klasifikasaun mak hanesan:
- Kategoria A – Execelente ho valor 5,
- kategoria B – Muito Bom, valor 4,
- Kategoria C – Sufisiente valor 3,
- Kategoria D – Insufiente, valor 2
- Kategoria E, reprovadu, valor 1.****(TTM)
Discussion about this post