Estudante ISC Polo Baucau: Husu Mahein Eskola Haraik Ispiritu Matenek

Loron  13 fulan Novembru 2021, tuku rua loraik liu minotu 43, antes reprezentante dosente no estudante husi Instituto Superior Cristal (ISC) Polo Baucau, entraga hikas Mahein Institutisaun Educativa Cristal(Kristu Nai Liurai, Padrueira Inan Maria Auxiliadora, Cruz Universitariu, ilhas São João Bosco, simbolu ba foinsa’e, no mós ilhas São João Paulo Segundu, nu’udar mahein ba  eskola Nivel pre – primaria to’o sekundaria iha TL),ba kampus Sentral ISC – Dili, liuhosi lian menon nu’udar orasaun, husu ba Maromak, liuhosi ilhas sira ne’e, nafatin haraik ispiritu Matenek tanba matenek nia hun mai husi Maromak.

Koordenador ISC polo Baucau, Marçal Vitor Soares, ne’ebé akompana komitiva ne’e dehan, durante prezensa ilhas sira nian , iha kampus  ISC polo Baucau, la’ós de’it estudante no dosente sira mak hala’o adorasaun,  maibe  partisipa mós husi parte Bombeiros Baucau,  hamutuk ho komunidade no sarani sira ne’ebé besik kampus ISC, Baucau Vila – Nova.

“Ami simu Illas sira ne’e, husi Eskola Tecvoc Viqueque iha loron 9 fulan Novembru 2021. Konaba adorasaun la’ós de’it hala’o husi estudante no dosente sira, maibé parte seluk mós partisipa.  Tanba ne’e, ami estudante, dosente husi ISC polo Baucau sente kmanek ho prezensa ilhas sira ne’e”, hato’o husi koordenador ba Jornalista sira liuhosi entrevista  iha kampus ISC – Balide, Dili sabadu(13/11).   

Fatin hanesan Presidente ezekutivu Fundasaun Cristal Agostinho dos Santos Gonçalves, dehan   tinan oin vizita ilhas sira ne’e, sei to’o  ba Munisipiu hotu, hodi nune’e, sarani sira bele reza tuir ida – idak nia devosaun.

“Tinan ida ne’e, hanesan ita hatene Mahein eskola nian, ba de’it munisípiu neen, mak Covalima, Maliana, Manufahi, Aileu, Viqueque, Baucau. Maibé tinan oin, sei vizita ba Munisipíu hotu, inklui mós ba ilha Atauro”. Hato’o husi presidente  ezekutivu Fundasaun Cristal.

Observasaun Time Timor nian iha serimonia entrega fali illas sira ne’e,  husi Baucau estudante ho komitiva hamutuk 70. Konaba transporte iha bis ida, pajero ida, no anguna ida. Komitiva to’o iha resintu Cristal Balide – Dili, tuku rua, liu minotu 43 otl.

Alende ne’e, preparasaun husi estudante Sekundaria Cristal nian simu komitiva ho dansa kultura, Drum Band.  Enkuantu kuaze Estudate Cristal nivel tomak mós partisipa iha serimonia ne’e to’o remata. **** (TTM)