Emprejariu Nasional Ricardo Neu, husu ba Governu Timor – Leste, presiza hamenus prosesu birokrasia, tamba bele fó impaktu negativu ba prosesu importasaun mai rai laran. Ricardo hato’o lia hirak ne’e, ba Jornalista Time Timor, liuhosi entrevista badak iha nia residensia Pantai Kelapa Dili, kuarta (3/8/2021).
Emprezariu ne’e rekonese, folin nesesidades básikas kontinua sa’e, inklui mós presu mina (Gasolina), provoka povu ki’ik ho rendimentu nato’on, dada iis, afeta ekonomia familia.
Tuir nia haree, aumenta sasan nia folin iha rai laran, ligasaun ho fator corona no ligasaun forte tebes ho funu iha Ukraina no Rusia.
“Sasan nesesidade básikas aumenta, Fator eksterna problema Corona iha tinan rua ba kotuk, produsaun barak paradu nune’e sasan tama mos menus konserteza presu aumenta ne’e normal. problema ida seluk funu entre Ukraina no Rusia. Fatores Interna nian tanba sistema birokrasia ne’ebé naruk tebes impede sasan tama susar”, nia esplika.
Ho kestaun ne’e, Ricardo husu ba Governu atu matenek, hodi koopera ho Nasaun esportadores, hamenus folin sasan, nune’e, emprezariu Timoroan sira mós bele iha kapasidade nato’on ba sosan inklui povu ho rendimentu nato’on.
“Ida mos ita nia Governu mak tenke matenek hodi lobi ho Nasaun sira ne’ebé hatama sasan. Tanba ita kompara uluk ema sosa paun sanulu ba leten, depois Corona, Funu iha Ukraina,agora ema sosa paun lima de’it ona, ida ne’e ligasaun ho kapasidade kompara mak laiha ona”
Tuir Ricardo nia hanoin ida dehan mós katak “Atu bele resolve problema ekonomia rai laran, iha tempu ida hanesan agora, Governu buka meius kria kampu traballu no halo esforsu ba valansu entre importasaun no exportasaun maibé tenke iha sertifikasaun ba sasan iha rai laran, antes ba liur. Governu tenke iha inisiativa kolabora ho emprezarius no entidade hotu, dudu ekonomia Nasional, ba oin ho di’ak”. **** (TTM)
Discussion about this post