Governu Timor – Leste, liuhosi parte Saúde, domingu, (09/05) ne’e , deklara ona ba públiku, liuhosi media nasional katak, sidadaun ne’ebe positivu ba Covid – 19, bainhira tama iha kuarentena, posibilidade to’o de’it loron sanulu, la’os ona loron sanulu resin hat. Medida ne’e foti, bazeia ba rekomendasaun husi Organizasaun Mundial Saúde(OMS).
Alende ne’e, equipa Jestaun Covid, nivel nasional mós, dehan, haree ba númeru Covid – 19, iha kapital Dili, husi loron ba loron aumenta, parte rekursu iha labotoriu, inklui rekursu seluk, limitadu, nu’udar difikuldade ida hodi atende pasiente sira.
Deklarasaun seluk dehan, durante loron sanulu nian laran, pasiente Covid – 19 sira, iha kuarentena, tenke halo ona teste, karik negativu, bele fila hikas ba uma, no lahalo teste, ba dala rua.
Entretantu, ligasaun ho prevensaun Covid – 19, espesialmente iha Timor – Leste, Governu, no organizasaun naun Governu sira, durante ne’e, halo esforsu sira bot tebes. Tanba ne’e, dalan ida, nafatin husu ba sidadaun hotu, atu iha konsensia, kumpri protokulu Saúde nian, ne’ebé hatu’un ona husi Organizasaun Mundial Saúde. Regra simples sira ne’ebé sidadaun hotu, tenke kumpre mak hanesan:
- Fase Liman bebeik
- Uza Maskara ho loloos
- Distansiamentu Sosial no
- Labele halibur malu iha asuntu ne’ebé la importante.****(Time)
Discussion about this post