Sekretariadu Concelho Pastoral Paroquia São Tiago Hera, Fernando Fatima da C. Soares, dehan dadaun ne’e, iha resintu Parokia nian sarani sira komesa halo preparasaun lubuk ida tanba tuir orariu katak, iha loron 7 fulan Agostu tinan 2026, hamutuk ho Sua Eminência Dom Virgílio Cardeal Do Carmo Da Silva, SDB, hala’o inagurasaun ba Estatua São Tiago, nu’udar mahein – Protetor ba Parokia – Hera, ne’ebé partense ba Diocese – Dili.
Foto Atividade iha igreja São Tiago – Hera
“Estatua Prontu ona hein pinta no hala’o mós preparasaun balu hamutuk ho amu SVD sira tanba ne’e konfirmadu ona katak, ita nia Sua Eminência Dom Virgílio Cardeal Do Carmo Da Silva, mak sei mai direta iha inagurasaun ba estatuta São Tiago iha Igreja ne’e,” kestaun ne’e, hato’o husi Fernando Fatima ba media ne’e, liuhusi dada lia badak iha Kartoriu Igreja Parokia, Hera- Dili, Segunda (03/08).
Istoria kona – ba São Tiago ne’ebe mai iha Hera desde tinan 1965
Iha okaziaun hasoru malu ho media ne’e, Fernando mós konta katak, estatua São Tiago mai hamutuk ho sarani Hera, fasilita husi padre balu inklui madre Dominikana ida husi Nasaun Spaña iha tinan 1965.
Fotografia Fernando nia Aman hanesan mos autor subar estatuta Sao Tiago – Amu Monteiro. Nain rua Matebian hotu ona.
Tuir Fernando nia lian bazeia ba nia aman(Katekista Hera iha Altura ne’eba) nia istoria ne’ebé konta hela katak, igreja Hera, altura ne’eba sei uja tali tahan didin ho bebak nune’e bainhira akontese invazaun iha tinan 1975, sarani sira inklui Fernando nia familia (Nia Aman) mak lori estatua São Tiago ba subar iha parte tasi ibun(Be’e Di’ik).
“Kuandu invazaun mai ema halai hotu tanba katuas sira lahalai, nune’e lori estatua ida agora iha Igreja laran ne’e, ba subar iha tasi – ibun nune’e, entre tinan 1978 – 1979, konsege lori fali estatua ne’e mai nia fatin igreja agora, akompana husi amu Matebian Pe. Monteiro,” konta husi Fernando Fatima hanesan mós eis akolitus ida ne’ebe ativu tebes iha igreja Hera, desde sei idade ki’ik iha altura ne’eba.
Hanesan sarani Fernando fo sasin ka testamuña balu kona -ba milagre husi estatua São Tiago(Jesus nia Eskolante servisu nu’udar peskador) rekonese katak, bainhira muda husi subar fatin tasi ibun mai igreja agora iha tinan 1978, fatin ne’ebé subar ba mosu kedas be’e matan ida naran be’e Di’ik to’o agora sei eziste.
“Milarge oin -oin mosu. Milage ida hanesan bainhira Pai matebian forsa rezime Soeharto kaer ba kastigu ida Dili, mae sempre reza ikus mai pai livre husi komarka. Milagre seluk akontese iha tasi ibun ne’eba be’e matan ida agora sei eziste ho naran be’e Di’ik fatin nebe nu’udar subar fatin husi Sao Tiago”. Konta husi Fernando, nu’udar mós sarani iha Igreja Parokia Hera.
Tuir istoria arquivo Diocese Dili nian fo sai katak, Igreja São Tiago Hera – Dili, inauguradu husi Administrador Apostóliku Dom Carlos Filipe Ximenes Belo, iha loron 19 Outubro 1994.
Estatua Orginal São Tiago ne’ebe iha ona igreja Parokia Hera -Dili, desde tinan 1965
Enkuantu observasaun media ne’e nian iha resintu Igreja Hera – Dili, iha loron 3 fulan Agostu ne’e, estatuta prontu ona maibé bandaen sira seidauk pinta, nune’e kontinua servisu ba finalizasaun obra tuir orariu, ikus mai hodi bele inagura iha loron 7 fulan Agostu tinan ne’e.
Discussion about this post