Depois sidadaun ida ho naran kompletu Armindo Borges, hakotu I’is iha Hospital Nasional Guido Valadares, sabadu – kalan (11/4), nia isin mate transfere fali ba Sentru Saúde Vera Cruz, ne’ebé mak nu’udar sentru izolamentu ba hala’o, kurativa sintomatika ba pasiente Covid – 19.
Ho problema ne’e, hamosu deskontente ba familia matebian, ikus mai hamutuk ho Kay Rala Xanana dehan, moras todan labele ba hospital, se la’e mate dehan fali Covid – 19. Kestaun ne’e, dehan bainhira hamutuk ho familia matebian, deskuti malu ho Ministra Saúde Odete M Belo, iha sentru Saúde Viera Cruz. domingu – dadeer (12/04).
Durante iha resintu sentru Saúde Vera Cruz, Kay Rala Xanana la nega katak, Covid – 19 iha, maibé tenke onestu, nune’e servisu Saúde bele sai di’ak liutan iha Timor – Leste.
Entretantu, familia matebian mós relata katak, matebian iha loron hirak ba kotuk, hemu tua depois sente ai – rua kolen, ikus mai todan ona mak lori ba Hospital, lakonsege salva, maibé nia mate la’ós tanba Covid – 19.
Tuir informasaun ne’ebé media ne’e asesu, matebian husi Munisípiu Ermera. Familia sira mós lakohi equipa Covid – 19, atu ba hakoi iha fatin ne’ebé Governu prepara ona iha Metinaro. ****(TTM)
Discussion about this post