Dadeer san de’it, iha loron 5 fulan Setembru 2002, mais ou menus tuku 07: 50 otl, sarani katolik Timor – Leste(TL), liu –liu sarani ne’ebé iha Dili, espesialmente iha sub – distritu Dom Aleixo, simu cardeal Timorense D, Virgílio do Carmo da Silva.
Antes cardeal Timorense D, Virgílio do Carmo da Silva, sai husi Aeroportu Internasional Nicolau Lobato ba nia residensia iha Dili, sarani sira hamutuk ho autoridade civil, militar, inklui Na’i Presidente da Repúblika Dr. José Ramos Horta, Jeneral Reformadu Lere Anan Timur, inklui membru Parlamentu Nasional balu, dadeer de’it hatudu domin hodi hein ona iha Aeroportu Nicolau Lobato.
Tanba ne’e, sira hotu nia prezensa iha Aeroportu Internasional Nicolau Lobato – Comoro, sai nu’udar testamuña ba cardeal Timorense, ne’ebé foin fila husi Roma – Italia, hafoin simu pose ba knar nu’udar cardeal dahuluk husi Timoroan.
Relasiona ho eventu istoriku ne’e, sidadaun ida ho naran Matias Boromeo, hanesan mós edukador ida iha eskola Colegio São Miguel – Dili dehan, loron 5 fulan Setembru 2022, sai hanesan momentu importante no sai loron istoriku ba sarani no Povu Timor – Leste.
Matias klarifika kardeal foun husi Timor – Leste ne’e, hanesan liman ain, ne’ebé besik tebes ba Sua santidade amu Papa.
“Nu’udar sarani, hanesan povu Timor sente kontente tanba foin ba dahuluk Timoroan ida sai cardeal, nu’udar kolaborador ba Santu Padre. Orgullu tebes, tanba ita nia Nasaun mós iha ona kardeal ida. Antes ne’e ita só iha de’it mak bispu” Lian Matias hato’o ba Time Timor liuhosi dada lia badak iha Rotunda Presidente Nicolau – Lobarto, segunda(05/10)
Observasaun Time Timor iha Aeropostu Nicolau Libato, bainhira cardeal Timorense D, Virgílio do Carmo da Silva, sai husi resintu Aeropostu, hahú husi Portaun entrada sarani sira hamutuk ho estudante husi eskola lubuk ida, basa liman hatudu sentidu kontente hodi simu cardeal ne’e.
Enkuantu iha kareta laran, cardeal dahuluk husi Timor ne’e, hatudu espresaun kontente iha oin, hodi fó bensaun ba sarani sira ne’ebe hamri’ik nadodon iha dalan publiku hahu husi rotunda Presidente Nicolau Lobato to’o Timor Plaza nia oin, Fatuhada.no Colmera.
Lema husi Cardeal Timorense ne’e mak “ As Deum Partem Omnipotentem”*(Ba Aman Maromak Bele Halo Hotu – Hotu)***TTM
Discussion about this post