Sexta, Setembru 22, 2023
Time Timor Magazine
NEWSLETTER
No Result
View All Result
  • Varanda
  • Profil
  • Kultura
  • Edukasaun
  • Politika
  • Ekonomia
  • Opiniaun
    Domin Ne’ebé Bulak Halo Juramentu Ikus Mai La Moris Hamutuk

    Domin Ne’ebé Bulak Halo Juramentu Ikus Mai La Moris Hamutuk

    Gasta OJE La Kuidadu Jerasaun Futuru Sei Lori Todan

    Gasta OJE La Kuidadu Jerasaun Futuru Sei Lori Todan

    Ricardo: Lider Balu Suporta Martinho Gusmão Kandidatu ba PR

    Ricardo: Lider Balu Suporta Martinho Gusmão Kandidatu ba PR

    Sarani Balu Deskontente Tanba Nai Lulik Husik Knar

    Sarani Balu Deskontente Tanba Nai Lulik Husik Knar

    A Beautiful Woman Attracts the Attention of Black Soldiers from Angola

    A Beautiful Woman Attracts the Attention of Black Soldiers from Angola

  • Portugues
    Lenda Santa Maria Egipcíaca

    Lenda Santa Maria Egipcíaca

Time Timor Magazine
  • Varanda
  • Profil
  • Kultura
  • Edukasaun
  • Politika
  • Ekonomia
  • Opiniaun
    Domin Ne’ebé Bulak Halo Juramentu Ikus Mai La Moris Hamutuk

    Domin Ne’ebé Bulak Halo Juramentu Ikus Mai La Moris Hamutuk

    Gasta OJE La Kuidadu Jerasaun Futuru Sei Lori Todan

    Gasta OJE La Kuidadu Jerasaun Futuru Sei Lori Todan

    Ricardo: Lider Balu Suporta Martinho Gusmão Kandidatu ba PR

    Ricardo: Lider Balu Suporta Martinho Gusmão Kandidatu ba PR

    Sarani Balu Deskontente Tanba Nai Lulik Husik Knar

    Sarani Balu Deskontente Tanba Nai Lulik Husik Knar

    A Beautiful Woman Attracts the Attention of Black Soldiers from Angola

    A Beautiful Woman Attracts the Attention of Black Soldiers from Angola

  • Portugues
    Lenda Santa Maria Egipcíaca

    Lenda Santa Maria Egipcíaca

No Result
View All Result
Time Timor Magazine
No Result
View All Result

Vizita ISC: Horta Hala’o  Dialogu ho Reitor no Dosente Foka ba Merkadu Traballu

Time Timor by Time Timor
Novembru 11, 2022
in Politika
4 min read
0
Home Politika
35
SHARES
44
VIEWS
Share on FacebookShare on Twitter

Iha loron 10 fulan Novembru tinan 2022, mais ou menus tuku rua- loraik, liu minutu sanulu, otl, Presidente da Repúblika Dr. José M. Ramos Horta, ho komitiva, hala’o vizita ba iha  kampus sentral Instituto Superior Cristal(ISC), Balide – Dili.

RELATED POST

Rafael Savio “Loron Konsulta Popular Importante ba Povu Timor – Leste”

Lia Tatoli ba Governu da Sia

Presidente nia vizita ba ISC, no Instituisaun Edukativa Cristal, simu direta husi Presidente Ezekutivu Fundasaun Cristal Dr. Agostinho dos Santos Gonçalves, hamutuk ho Reitor ISC, Dr. Sebastião Pereira, korpo dosente, diretor ES Cristal Rafael Sávio inklui alunu sira nivel ensinu Sekundáriu simu Presidente ho Banda Muzika Cristal.   

Bainhira to’o iha kampus Cristal, Presidente mós konsege vizita ba labóratóriu Fakuldade Siencia Saúde no Siencia Edukasaun ISC nian, hodi haree besik liu tan kondisaun ne’ebé mak iha.

Vizita Presidente Jose M. Ramos Horta, ba iha laboratoriu Fakuldade Siencia Saude no Edukasaun – ISC, 10/11/2022.

 Entretantu, durante hala’o dialogu entre parte rua, Presidente husu ba ISC iha futuru mai, presiza haree ona dalan di’ak sira, oinsa  bele prepara rekursu humanu ne’ebé kualifikadu, no la’os de’it bele kompete iha nivel merkadu lokal nian, maibé mós envolve iha merkadu trabalu liur tanba Mundu ohin loron dezenvolve ho lais tebes iha parte hotu – hotu, tantu IT no seluk tan..

“Ba futuru presiza haree oportunidade sira ne’ebé bele akumula ita nia rekursu, la’os de’it servisu no kompete iha Merkadu lokal, maibé mós ita prepara aan ba merkadu iha rai liur ninian, tuir necesidade. Maibé atu hatene necesidade saida mak Nasaun avansadu sira presiza, tenke liu husi peskiza ruma hodi hatene didiak,” Horta nia lian iha Kampus Sentral Instituto Superior Cristal, kinta(10/11).  

Iha Dialogu ne’e, Horta hato’o rekomendasaun ida katak, di’ak liu mak aprofunda formasaun iha parte emfermagen nian, tanba Nasaun bot sira hanesan Australia, Eropa, Korea, China sira presiza rekursu sira ne’e, hodi hala’o atendimentu ba ferik no katuas sira.  

Parte ida Horta mós promete ona katak, sei ko’alia ho Governu, liu –liu Ministériu Edukasaun parte Enisnu Superior nian hodi haree oinsa bele  apoiu di’ak liu tan Ensinu Superior Privado sira la’os de’it UNTL.

“Ha’u sei ko’alia no lobi ho parseiru sira, inklui Governu hodi haree oinsa apoiu fasilidade no equipamentu ba Instituisaun akademika ensinu superior privadu sira. Alende ne’e husu ba Ministériu Edukasaun presiza tebes hasa’e montante osamentu husi 10 % to’o 30 % ba dezenvolvimentu Setor Edukasaun.” Horta ko’alia iha Kampus Cristal.  

Enkuantu Reitor ISC, Dr. Sebastião Pereira, rekoñese durante tinan 21 ezistensia  Instituto Superior Cristal(ISC), hetan ona akreditasaun ba programa lubuk ida hahú husi tinan 2008 to’o 2022, no konsege produs ona rekursu umanu iha parte Parte Edukasaun no Saúde nian,  maioria husi rekursu sira ne’e, kontribui ona ba iha prosesu dezenvolvimentu Nasional.

Hamenus konflitu presiza kria animasaun no Desportu

Presidente Ezekutivu Fundasaun Cristal Dr. Agostinho dos Santos Gonçalves, iha Dialogu ne’e, husu ba Presidente da  Repúblika, oinsa servisu hamutuk ho parte hotu hodi haree ba problema konflitu sira, entre joventude iha bairo tanba joven mak futuru ba Nasaun.

“Ikus – ikus ne’e, ita nia joven sira baku malu, oho malu ita haree ida ne’e, triste tebes. Maibé ita mesak Joven katólika. Tanba ne’e, husu ba Nai Presidente se bele hala’o Desportu iha fatin – fatin. Kuandu  joven sira koñese malu, halimar hamutuk iha desportu sei minimiza konflitu. Dala ruma kuandu viziñu de’it la koñese malu ida ne’e bele problema,  iha mós konflitu,” hato’o husi Agostinho, hanesan preokupasaun ba kestaun paz.

Antes Presidente Horta, husik hela Instituisaun Edukativa Cristal, edukador inklui dosente ISC balu,  hato’o mós preokupasaun sira ba Presidente hodi husu atu hadi’a kestaun saláriu. Husu mós hadi;a kestaun estatuta profesores kontratadu sira, inklui sujere hanoin ba  Presidente atu ko’alia ho Governu, haree ba intensivu hodi fó ba edukador sira.

Tanba ne’e, Presidente mós promete alende buka solusaun ba problematika iha setor edukasaun, iha mehi ida hakarak eskola hotu transforma ba Mundu digitalizasaun.

“Ha’u sei ko’alia ho Governu,  hakarak ita nia eskola sira ba ona digitalizasaun hanesan akontese iha rai seluk. Ita nia setor edukasaun labele kontinua iha kotuk. Ita mos presiza tau atensaun ba labarik sira hotu, tenke asesa ba pre – eskolar. ida ne’e tenke, tanba bainhira ba ona ensinu básiku,  sira bele ona hatene hakerek no koñese letra, iha mentalidade ne’ebé prontu, bele ko’ala no seluk tan.” Presidente hato’o hodi hakotu. *****(TTM)

Tags: Horta Dialogu no ISC
Share14Tweet9Share4

Related Posts

Rafael Savio “Loron Konsulta Popular Importante ba Povu Timor – Leste”
Politika

Rafael Savio “Loron Konsulta Popular Importante ba Povu Timor – Leste”

Augostu 30, 2023
Lia Tatoli ba Governu da Sia
Politika

Lia Tatoli ba Governu da Sia

Jullu 1, 2023
Lere Anan Timur – Fretilin Manan Sei Lori Naroman ba Povu
Politika

Lere Anan Timur – Fretilin Manan Sei Lori Naroman ba Povu

Maiu 16, 2023
Konsep Otomatis
Politika

FM Vota ba  CNRT  Hakarak Halo Mudansa

Maiu 16, 2023
MLPM Iha Programa Atus Ida Liga ba Nasaun – Povu
Politika

MLPM Iha Programa Atus Ida Liga ba Nasaun – Povu

Maiu 3, 2023
PLPA – AND Mai ho Plataforma Politika Ne’ebé Klaru
Politika

PLPA – AND Mai ho Plataforma Politika Ne’ebé Klaru

Abril 19, 2023
Next Post
Komemora 12 Novembru badala 31: Reflesaun ba Konflitu Entre Juventude no Istoria husi João – Bermeta.  

Komemora 12 Novembru badala 31: Reflesaun ba Konflitu Entre Juventude no Istoria husi João – Bermeta.  

Presaun Ba Jornalista Se La Iha Fundamentu Krime?

Presaun Ba Jornalista Se La Iha Fundamentu Krime?

Sai Nasaun RDTL La Hetan ho Fasil

Sai Membru ASEAN: Ekonomia Nasional Hakat ba Progresu ho Lalais           

Sai Membru ASEAN: Ekonomia Nasional Hakat ba Progresu ho Lalais           

Timor-Leste Nia Ain Sorin Iha ASEAN Ona Ba Mehi Ida Ne’ebé Kleur Tebes

Timor-Leste Nia Ain Sorin Iha ASEAN Ona Ba Mehi Ida Ne’ebé Kleur Tebes

Discussion about this post

Kalohan Hosting
ADVERTISEMENT
  • About
  • Advertise
  • Privacy & Policy
  • Contact Us
Call Us: +670 7704 2527

© 2021 Time Timor Magazine - Hosted by Kalohan.NET.

No Result
View All Result
  • Varanda
  • Profil
  • Kultura
  • Edukasaun
  • Politika
  • Ekonomia
  • Opiniaun
  • Portugues

© 2021 Time Timor Magazine - Hosted by Kalohan.NET.