Arautos Evanjelho, nu’udar Grupu orasaun Ida ne’ebe, hari’i iha Vatikanu iha loron 22 Fulan Febereiru 2002.
Grupu orasaun ne’e, mosu desde iha tempu maktoban Saun Joao Paulo II, ho intensaun prinsipal liuhusi peregrinasaun illas Maromak nian sira – Envangelizador (sarani baibain)tama Uma sai uma bazeia ba konesimentu husi Kreda lokal – parte Diocese, hodi reza hamutuk ho komunidade ka benerasaun ilhas Nain Feto do Rosario de Fatima no Ilhas Nossa Senhora de Fatima.
Tanba ne’e, iha loron 22 Fulan Febereiru kada tinan Nasaun 78, sempre selebra loron importante ne’e, inklui mos Timor -Leste, foin selebra ba dahuluk.
Prezidente Ezekutivu Fundasaun Cristal Dr.Agostinho dos Santos Goncalves, dehan ba Timor – Leste, foin selebra ba tinan dahuluk Nia Ezistensia, ho razaun peregrinasaun Mai iha Timor – Leste, hahu husi Portugal organiza husi Fundasaun Cristal hamutuk ho Antigus Alunus Salesiano Dom Bosco, tanba iha koordenasaun di’ak ho Kreda lokal hamutuk ho Diocese tolu iha Timor – Leste.
“Ohin misa hamutuk entre Estudante Instituisaun Educativa Cristal, membru Arautos Evajneilho Timor-Leste, aumesmu tempu fo bensaun ba illas peregrinasaun nian. Grupu orasaun ne’e, reza tama sai uma hodi vizita ona Uma kain atus neen iha Dili, no Sei kontinua mos ba fatin Sira seluk, espesialmente iha Munisipiu Sira, hodi Reza hamutuk iha komunidade Nia let hodi husu situasaun paz, Dame, Perdua no simu malu hanesan maun alin, sarani iha illas Maromak nian”. Hato’o husi parte Prezidente Ezekutivu Fundasaun Cristal ba media nasional iha igreja Katedral – Dili, Sabadu, 22/02.
Fatin hanesan Koordenador Arautos Evajeilho iha Timor – Leste, Tome de Deus, agradese ba parte hotu nia kontribuisaun, nune grupu orasaun ne’e bele la’o no di’ak no dura ona tinan Ida, Sei kontinua ho esperansa Ida bele lori Maromak Domin, Dame, grasa ba Ema hotu hodi sente Nia kbi’it no milagrozu Sira.
Amu selebrante Paulos Maia, nu’udar Amu Parako Katedra – Dili, no Amu Kapelaun Cristal Pe. Manuel Pinto, SDB rekonese hodi hatoo katak, hala’o Evajelizasaun knar ne’e, sarani hotu nian tanba ne’e, lori Kreda Timor – Leste Nia naran agradese ba Familia bot Arautos Evajeilho Timor-Leste no familia bot Fundasaun Cristal, bele Tulun ona Kreda Nia servisu espesialmente habot sarani Nia fiar iha parte ispiritualidade nian.
Discussion about this post